Read Baibul, Mizo Joba 29 Bible Online

Joba 29 - Baibul, Mizo bible

Joba 29

¹Tin, Joba chuan a thusawi cha chhunzawm a, heti hian a ti a:

²Aw, tun hma thla ral taahte khan awm ni i la, Pathianin mi ven lai niahte khan,

³A khawnvar ka lu chungah a eng thin a, Thimah pawh a eng ringin ka kal tlang a,

⁴Ka vanglai nite ka hman laia, Pathian pawlna ka puan ina a awm lai khan,

⁵Engkimtitheia ka hnena a awm thin laia, Ka fate ka vela an awm lai khan,

⁶Ka kalnate hnute khala chulh a nih laia, Lungpuiin ka tan hriak a luang chhuahtir dul dul lai khan!

⁷Khawpui kawngka pana ka kal a, Kawttlera thutna ka buatsaih laite khan`,

⁸tlangvalten mi hmu a, an biru a, Upate an tho a, an ding a;

⁹Hotute chu an tawng lai an chawl a, An kutin an ka an hup a;

¹⁰Mi liante aw a reh a, An dang chungah an lei a bet a.

¹¹Benga hriaten nihlawh mi ti a, Mita hmuten mi hriatpui a;

¹²Mi rethei tap ka chhan chhuah thin avangin, Pa nei lo, puitu nei lote pawh.

¹³Boral dawn tepte malsawmna ka chungah athleng a, Hmeithai thinlung pawh hlimin ka zaitir a.

¹⁴Felna chu ka inbel a, mi tuam vel a, Ka tihdik thinzia hi kawrfual leh lukhum ang a ni.

¹⁵Mitdel tan mit ka ni a, Kebai tan ke ka ni a.

¹⁶Tlachham tan pa ka ni a, Ka hmel hriat lohte pawh an thu ka buapui a.

¹⁷Mi fel lo ngho chu ka titliak a, A haa a thil seh chu ka pawt chhuak a.

¹⁸Tichuan, ka bu zawlah ka thi ang a, Ka nite tiauvut angin ka tipung ang a,

¹⁹Tui lamahte ka zung a zam darh ang a, Zankhuain ka zarah dai a cham reng ang a,

²⁰Ka ropuina hi keimahah a thar reng ang a, Ka kutah ka thalngul pawh a thar reng," ka ti rilru a.

²¹Ka lamah mi'n beng an dawh a, an ngaithla a, Ka thu nghakin an ngawi thap thin.

²²Ka sawi zawhah an tawng ve tawh ngai lo; Ka thusawi chu an chungah a tla.

²³Ruahtui angin mi nghak reng thin, Ruah hnuhnung chak angin an ka an lo ang a.

²⁴An inrinhlelh laiin ka nuihpui a, Ka hmel hlim chu an tihnual lo.An kawng ka thlang a, hotuah ka thu a, Sipai rual zingah lalber angin ka awm a, Lusunte thlamuantu angin.

²⁵An kawng ka thlang a, hotuah ka thu a, Sipai rual zingah lalber angin ka awm a, Lusunte thlamuantu angin.