Read Baibul, Mizo Joba 30 Bible Online

Joba 30 - Baibul, Mizo bible

Joba 30

¹Tunah zawng ka aia nauten mi nuihzat a, An pate kan ran rual vengtu ui zinga Telah pawh ka duh lohte khan.

²A ni, chung thathum mite chu. An kut thahrui ka hnemhnanpui em ni?

³Tlachham leh riltamin an cher a, Ram ro leh kawlh chu an khel a.

⁴Hnimbuk hnah nemte an thliak a, Juniper zunge an chaw a ni.

⁵Mihring zing ata hnawh boin an awm a, Rukru angin an au zui a.

⁶Ruam kumkarahte an cheng a, Lei khuarkhurum leh lungpuipukahte.

⁷Hnimbuk zingahte an chiau a,m Taiten hnuaiahte chuan an tawm khawm a.

⁸Mi ate fa an ni a, a ni, tlaktlai lo ber fate; Ram ata vuak chhuah an ni.

⁹Tunah zawng an hla ka lo ni ta, A ni, an kamram mai ka ni ta.

¹⁰Mi ten a, an inthiar fihlim a, Ka hmaa chil chhak pawh an tim lo.

¹¹A hruihrual chu a phelh a, mi nghaisak tak avangin, Ka hmaah insumkarna an thlah thak a.

¹²Ka ding lamah mi ruraho an lo thawk a, Ka ke an nek per a. An tihchhiatna kawng chu ka chungah an din a.

¹³Ka kawng an tichhia a, Ka vanduaina an tizual a, Tuma'n an dal lo.

¹⁴A pawp zau laiah an lo kal a, A chim zingah mi hual a.

¹⁵Tihbaiawm ka chungah athleng a, Ka roupna thli angin an um bo a, Ka mithatna chhum angin a riral ta.

¹⁶Keimah ata ka thlarau leih chhuah a ni; Chhiatna nite chuan mi man ta e.

¹⁷Zanah chuan ka ruhte a kher ngut ngut a, Ka na mi fep sup sup hi a chawl lo.

¹⁸Ka na hian ka silhfente a tikhawlo ve, Ka kawrnghawng angin mi rek a.

¹⁹Chirhdiakah chuan mi paih lut a, Vaivut leh vut ang mai ka ni ta e.

²⁰Nang ka au che a, mi chhang lo a, Ka ding a, nangin mi hawi lo.

²¹Ka lakah i nun a lo rawng ta a, I kut chakin mi tiduhdah a.

²²Nangin thliah mi chawi kang a, a chungah mi chuantir a; Nangin thlipuiah mi tiral ta.

²³Nangin thihna mi thlen ang tih ka hria a sin, Mi nung zawng zawng tana ruat inah chuan.

²⁴Chim chhe vum chungah miin a kut aphar ngeiin A vanduainaah chuan tanpui dilin a au dawn lo'm ni?

²⁵Buaina tawkte tan ka tap thin lo'm ni? Chhamdalte tan ka lungngai thin lo'm ni?

²⁶thil tha ka zawng a, thil chhia a lo thleng a, Eng ka nghak a, thim alo thleng a.

²⁷Ka thin aphu hlawp hlawp a, a reh thei lo a, Tuarna nite chu ka chungaha thleng a.

²⁸Ni em vang ni loin ka dum a, Pungkhawmho zinga dingin tanpui ka dil a.

²⁹Kawluite tan unaupa ka ni a, Ostrich-te tan thian ka ni a.

³⁰Ka vun chu a lo dum a, a khawk a, Ka ruhte chu a lum vut vut a.Chuvang chuan ka perhkhuang ri chu sunnaah a chang a, Ka phenglawng chu taptu awah.

³¹Chuvang chuan ka perhkhuang ri chu sunnaah a chang a, Ka phenglawng chu taptu awah.