Read Baibul, Mizo Joba 31 Bible Online

Joba 31 - Baibul, Mizo bible

Joba 31

¹Ka mit atan thuthlung ka siam a, Engah nge nula ka melh ang?

²Chunga Pathian laka chanvo leh Chungnung ber Engkimtitheia laka rochan tur chu eng nge ni?

³Mi fel lo tana vanduaina leh Khawlohna titute tana chhiatna a ni lo em ni?

⁴Ka kawngte chu a hmuin Ka ke pen zawng zawng a chhiar lo em ni?

⁵Dawt lama kal ka nih a, Bumna lama ka ke pen rang thin ka nih chuan.

⁶(Bukna dik taka tehin awm i la, Ka dikna hi Pathianin a hriatna'n)

⁷Tin, kawng loa peng ka lo nih a, Ka mithmuh ang maia thinlung pu ka lo nih a, Ka kutah hian kaidum reng a bei phawt chuan,

⁸Ka tuh chu mi dangin ei mai ang hmiang; Ka chin zawng pawh kar chhuah ni rawh se.

⁹Ka thinlung hian hmeichhia a it a, Ka thenawm kawngkaah chang te ka nih chuan,

¹⁰Ka nupui chuan mi dang sum deng se la, Mi dangte chuan tlawm rawh se.

¹¹Chu chu sual huatthlala tak, Khawlohna, roreltuten an hrem ngei tur chu a ni si a.

¹²Ral der khawpa kangtu mei a ni bawk a, Ka sum neih zawng zawng pawh a khawrh fai vek dawn a ni.

¹³Ka chhiahhlawhnu emaw, ka chhiahhlawhpa emaw, Ka chunga an vuivaina thu thlen ka ngaihsak loh luih chuan,

¹⁴Pathian a lo thawh hunah eng nge a rawn zawh chian hunah engtin nge ka chhan ang? A rawn zawh chia hunah engtin nge ka chhan ang?

¹⁵Pum chhunga kei mi siamtu khan a ni pawh a siam lo em ni? Pum chhunga mi dintu chu thuhmun a ni lo'm ni?

¹⁶Tlachhamte duhzawng ka sum bosak a, Hmeithaite bei ka tihdawn a,

¹⁷Ka chaw keimah maia ka ei a, Fahrahin a ei ve loh chuan,m

¹⁸(A naupan lai atangin pa angin ka chawm lian a, A nu pum atangin ka kaihhruai a ni tawh si)

¹⁹Tupawh silhfen loa boral emaw, Rethei intuamhlawmna nei lo emaw hmu ka nih a,

²⁰A kawngin mal mi sawm lo a nih chuan, Ka beram hmual tuam lum a nih loh huan,

²¹Kawngkaah chuan tanpuitu ka hmuh avanga Fahrah chunga kut lek ka nih chuan,

²²Ka kovi hi ka dar saipheng nen phawk hlawk se la, Ka ban hi khingkhangruh atangin thlawn hlauh rawh se

²³Pathian lak ata vanduaina chu ka tihzawng tak a ni si a. A ropuina avangi eng ti rual ka ni lo.

²⁴Rangkachak chu ka nghahfaka ka hman a, Rangkachak tha mi chu ka rinchhana ka ngaih a,

²⁵Ka hausakna a nasat avang leh Ka kutin a thawh chhuah nasat avanga lawm ka lo nih a,

²⁶Ni khi a en lai leh Thla kal ruau ruau lam ka hawi a,

²⁷Ka thinlung hi a ruk tea hip bo a nih a, Ka kut pawhin ka ka a hup chuan,

²⁸Chu pawh chu roreltute hrem ngei tur khawlohna a ni a, Chugna Pathian hnena daw ka nih dawn avangin.

²⁹Mi hawtu chhiatna chunga lawm ka nih emaw a, thil tha loin a tlakbuak laia lawm hlut ka nih emaw chuan,

³⁰(A ni, a nunna anchhe lawh khawpa Sual ti turin ka ka phal lo)

³¹Ka puan ina mite chuan, A buhbala inhnangfak lo tu nge awm? An tih loh chuan,

³²(Mikhualte kawtthlerah an riak lo a, Mi zin vakte tan ka kawng ka hawng thin)

³³Mite tih dang anga ka bawhchhiatna zep a, Mahni awm chhunga khawlohna thukruin

³⁴Mipui tam takte hlauh avang leh chhungkuate hmusit hlauh vanga Ngawi reng leh leng chhuak ngam lo ka nih chuan -

³⁵Aw, mi bengkhawntu nei teh u la aw! (En teh u, hei ka chhinchhiahna ka dah e, Engkimtitheian mi chhang teh se) Ka khingpuipan mi hekna a ziak chu nei teh i la aw!

³⁶Ka koviah ka pu ang a, Lallukhum angin ka inbel tur a!

³⁷Ka pheikhai zat pawh ka hriilh ang a, Mi lain ni ve angin amah ka pan tur.

³⁸Ka ram chu mi duh loa au chhuak a nih a, A lei rutkhuarte an tap hlawm a nih chuan,

³⁹Man pe loa a rha chhuahte ei ka lo nih a, A neitute nun hlohtir emaw ka lo nih chuan,Buh aiah hling to zawk se la, Tai aiah hlo har to rawh se, Joba thu chu a tawp ta.

⁴⁰Buh aiah hling to zawk se la, Tai aiah hlo har to rawh se, Joba thu chu a tawp ta.