Read Baibul, Mizo Joba 33 Bible Online

Joba 33 - Baibul, Mizo bible

Joba 33

¹Engpawh ni se, Joba, ka tawng hi ngaithla la, Ka thu zawng zawngah hian beng lo chhi teh.

²Ngai teh, hei ka ka ka ang ta a, ka leiin thu a sawi hi.

³Ka thute chuan ka thinlung ngilzia a tilang a, Ka hmui chuan a thil hriat chu dik takin a sawi dawn e.

⁴Pathian thlarau chuan mi siam a, Engkimtitheia thaw chuan nunna mi pe.

⁵I theih chuan mi chhang la, Tan khawh la, ka hmaah hian I thute chu siam rem rawh le,

⁶Ngai teh, Pathian lam thuah chuan Nangmah ang bawk ka ni a, Hluma siam ve bawk ka ni.

⁷Ngai teh, kei hi mi hlau suh la, Ka nawr lutuk lo ang che.

⁸Ka beng hriatah i sawi tawh tak a, I thu ri chu ka lo hre tawh a.

⁹Ka thiang a ni, bawhchhiatna nei loin; Ka fihlim a ni, khawlohna nei loin;

¹⁰I e, ka chungah remchang a dap chhuak a, A hmelmaah mi chhiar a ni;

¹¹Ka keah kawl mi bun a, Ka kalna zawng zawng a chhui chhuak a ni,' i ti a.

¹²Ngai teh, ka chhang ang che, Hetah hian i fel zo zan lo e; Pathian chu mihring aiin a ropui zawk a ni.

¹³Thu khat mah a chan loh avangin Engah nge amah i beih le?

¹⁴Pathianin kawng khatin thu a sawi thin a, A ni, kawng hnih pawhin, pawisak loh pawh ni se.

¹⁵Mumangah, zan inlarnaah chuan Mite tui taka an muthilh a, Khum laizawla an mut chiah chiah laiin,

¹⁶Mite beng chu a tihawng a, An thu dawn chu a tinghet a,

¹⁷Mihring chu a thiltih thulhtir a, A chapona chu a thupsak theihna'n;

¹⁸Ani chu thlana liam loin a vawng a, A nun pawh khandaih laka boral loin.

¹⁹A khum laizawlah natnaa thununin a awm a, A ruh zawng zawng na sup supin;

²⁰Tichuan, chaw te ka hua a, Sa tuihmel takte pawha duh lo a.

²¹A tisa a lo cher deuh deuh a, hmuh tham a ni lo a, Ruh hlir ruh hlir a ni a.

²²A ni chuan thihna kotlang a hnaih a, A nun chuan tiboraltute a hnaih tawh a ni.

²³Mi hnena a tana tha hriattir turin A tan vantirhkoh, palai pakhat, sang zinga mi awm se la,

²⁴Tin, chu mi chuan amah duhsak takin, Thlana liam loin chhanhimang che, Tlanna ka hmu ta e;

²⁵A taksa hi tleirawl thar leh se la, A vanglai chakna nite chu lo kir leh tawh se,' ti se la;

²⁶Chu mi chu pathian hnenah a tawngtai a, Ani chuan a lo pawm a. A hmel chu hlim takin a hmu ang a, Anin a hnenah felna chu a pe leh ang.

²⁷Mite hmaah hla sain: Ka sual a, thil dik chu ka tikhawlo a, Mahse, mi thungrul lo e:

²⁸Thlana liam lo turin mi chhanhim a, Ka nunin khaw eng a lo hmu ang, a ti a.

²⁹29-30, Ngai rawh, mihringin nunna eng a hmuh theihna'na Thlan ata hrui kir turin Pathianin he'ng thil zawng zawngte hi Mihring hnenah vawi hnih vawi thum a ti a ni.

³⁰29-30, Ngai rawh, mihringin nunna eng a hmuh theihna'na Thlan ata hrui kir turin Pathianin he'ng thil zawng zawngte hi Mihring hnenah vawi hnih vawi thum a ti a ni.

³¹E, Joba, ngun takin mi ngaithla teh, Lo ngawi la, ka han sawi ang e.

³²Sawi tur i neih chuan mi chhang la, Sawi rawh thiam chantir che ka duh a ni;Chuti a nih loh chuan, mi ngaithla rawh, Lo ngawi la, finna ka zirtir ang che.

³³Chuti a nih loh chuan, mi ngaithla rawh, Lo ngawi la, finna ka zirtir ang che.