Read Baibul, Mizo Joba 34 Bible Online

Joba 34 - Baibul, Mizo bible

Joba 34

¹Tin, Elihua chuan a sawi zel a: Nangni mi fingte u, ka thute ngaithla rawh u la, Nangni mi thiamte u, in beng dawh rawh u.

²Kain ei mi a hria angin Bengin thu a thliar a ni.

³Kan tana dik chu thlang i la, A tha chu keimahniin i chian ang u.

⁴Joba, 'Fel zawng ka fel a ni, Pathianin ka thiamna mi hnawlsakin,

⁵Ka thiam reng chung hi dawtheiah mi chhiar mai pawh a: Bawhchhiatna ka nei lo chungin Ka hliam chu tihdam rual a ni lo,' a ti si.

⁶Joba ang hi tu nge awm, Tui anga deuna ina,

⁷Khawlohna titute pawla, Mi suaksualte nena leng thin chu?

⁸Pathian chunga lawm hi Mihringin engah mah a sawtpui lo e,' a ti vei nen.

⁹Chuvangin, nangni, mi rilru neite u, Mi ngaithla rawh u, Pathian chuan thil suaksual tiin Engkimtitheia chuan thil dik lo chu a ti teuh lo ang.

¹⁰Mite an thiltih ang zelin a thungrul ang a, Mi tin, an awm dan ang zelin an chungah a thlentir dawn si a.

¹¹A ni, Pathian chuan suaksual takin a ti lul lo ang a Engkimtitheia chuan a rel khawlo hek lo ang.

¹²Tunge lei hi amah awptir a, Khawvel pum pui hi a hnena kawltir ni?

¹³Ama thlarau chu ahnea a lak kir a, Ama thaw chu a hnena a lak khawm leh chuan,

¹⁴Mi nung zawng zawng an boral rual ang a, Mihring chu vaivutah a chang leh mai ang.

¹⁵Hriat thiamna i neih chuan hei hi ngaithla la, Ka tawng ri hi bengkhawn rawh.

¹⁶Thudik hawtu chuan ro a rel ang em ni? Mi fel leh thiltitheia chu thiam loh i chantir ang em ni?

¹⁷Ani chu lalber hnena, "Tlaktlailopa," Mi lian hnena, "Suaksualpa," titu,

¹⁸Hotute pawh duhsak bik lo leh Mi rethei aia mi hausak ngaihsak chuang lo ani a, An zain a kutchhuak an ni si a.

¹⁹Mit khap kar loah an thi a, Zanlaiah mite an khur a, an ral a, Mi chakte pawh kut loa lak boin an awm.

²⁰Mihring awm dan chungah mit a len a, A pheikhai zawng zawnga a hmu vek si a.

²¹Khawlohna titue an bihruk theihna tur Thim a awm lo a, thihna daihlim a awm hek lo.

²²Pathianhmaa rorelnaa kal turin Mihring tan hun bi a ruat si lo.

²³Mi chakte chu a titiau va- an thu rel loin, An hmunah midangte a dah thin.

²⁴Chutiang chuan an thilte chu hriain Zanah anmahni a tichhia a, a nuai bo a.

²⁵Mite mithmuhah anni chu Mi sual hremin a hrem a,

²⁶Ama laka an pen bo avang leh A dante an pawisak loh avangin;

²⁷A beng thleng khawp khawpion retheite an rumtir a, Ani chuan hnehchhiahte au thawm chu a lo hria a.

²⁸Ani chu lo ngawi se la tu nge thiam loh chantir thei ang? A hmel a thup laiin tuin nge hmu thei ang? Hnam tan emaw, mi mal tan emaw thuhmun a ni.

²⁹Pathian hre lo mi chuan ro a rel lohna tur leh Mipui an awkai lohna'n.

³⁰Miin Pathian hnenah chuan, Pawi ka khawih lo na a, hremna ka tuar si,

³¹Ka hmuh loh chu mi zirtir la, Khawlohna ka tih pawhin, Ka ti tawh lo ang,' a ti ngei em ni?

³²Pathian thungrulhna chu i duh ang kher em ni dawn a, I lo hnial ni? Kei ni loin nangin i thlang tur a ni, Chuvangin, hriat chu sawi rawh khai

³³Mi rilru neite leh mi fingte Mi ngaithla apiang pawhin,

³⁴Joba hi chinchang hre loin a tawng mai mai a ni e,m A thu-ah hian finna a awm lo e, mi tihpui ang.

³⁵Joba hi mi sual tawnga a tawng avang hian Fiah fai vekin awm se ka ti a ni.A sual belhchhahin a hel a, Kan zingah a kut a beng a, Pathian chungah a thu a tui tam mai a nih hi.

³⁶A sual belhchhahin a hel a, Kan zingah a kut a beng a, Pathian chungah a thu a tui tam mai a nih hi.