Read Baibul, Mizo Joba 35 Bible Online

Joba 35 - Baibul, Mizo bible

Joba 35

¹Tin, Elihua chuan a sawi zel a:

²Hei hi dikah i ngai em, Pathian hmaah ka fel a ni,' i tih hi?

³Thil tisual lo i la ka tan that chuanna eng nge awm a, Ka tan hlawkna eng nge awm chuan,' i tihte hi?

⁴Ka han chhang teh ang che, Nang leh i pawlpuite nen.

⁵Van lam dak la, en teh, Chhumte khi en la, nang aia a san zawk khi.

⁶Thil i tihsual pawhin, a tan eng nge pawi? I bawhchhiatna a pun pawhin, a tan eng nge pawi ang?

⁷I fel pawhin a tan eng nge i hnemhnan? I kut ata eng nge a dawn?

⁸I suahsualna chuan nang ang mihring chauh a khawih a, I felna chuan mihring fa chauh a khawih thei a ni.

⁹Hnehchhiahna a tam avangin an rum a, Mi chakte ban avangin chhan ngaiin an au a,

¹⁰Mahse, tuma'n, 'Min siamtu Pathian chu khawiah nge, Zana hla min saktirtu,

¹¹Hnuailengte aia min zirtir hnem zawktu, Chunglente aia finga min siamtu chu?' an ti lo.

¹²Tah chuan an rum a, tuma'n an chhang lo, Mi sualte chapona avangin.

¹³Pathianin dilna lawilo chu a ngaithla lo ang a, Engkimtitheian a ngaihsak hek lo ang.

¹⁴Nang lek phei chu e! 'Amah ka hmu lo e, Thu rel tur chu a hmaah a awm reng a, Amah ka nghak reng e,' i han tih hi:

¹⁵Tunah hian, thinrima a rawn hrem mai loh avang leh Uanthuanna a rawn pawisak mai loh avangin,Joba hian a ka a ang mai mai a, Chinchang hre loin a htu a tui tam mai a nih hi.

¹⁶Joba hian a ka a ang mai mai a, Chinchang hre loin a htu a tui tam mai a nih hi.