Read Baibul, Mizo Joba 37 Bible Online

Joba 37 - Baibul, Mizo bible

Joba 37

¹Hei vang hian ka thinlung a khur a, A phu hlawp hlawp a sin.

²Ngaithla ngun u la, a awrawlte leh A kaa lo chhuak rite chu.

³Van pum pui hnuaiah a tir chhuak a, A kawlphe chu lei tawp thleng thlegin.

⁴A hnuah chuan a awrawl a chhuah a, A ropuina aw chu a tiri dur dur a: A aw an hriat pawhin a chawlhtir chuang lo.

⁵Pathian chuan mak takin a awm a tiri dur dur a, Thil ropui tak, kan hriat phak loh a ti a ni.

⁶Vur hnenah chuan, 'Leiah tla rawh,' a ti a, Chutiang bawk chuan ruah leh ruahpuite hnenah pawh.

⁷Mi tinreng kut chu a tikhawng zo a, A mi siam zawng awngten an hriatna'n.

⁸Tichuan, ramsaten bik bona an pan a, An bu zawlah an awm reng a.

⁹Chhim lam pindan ata thli chhia a lo thawk a, hmar lam ata khaw vawt.

¹⁰Pathian thaw vangin tuikhal a lo awm a, Tui zau tak pawh a khal zo a,

¹¹A ni, chhum chhah puite chu hnawngin a tikhat a, Chhumah chuan kawlphe a tidarh a.

¹²Ama hruaiin an vir zawr zawr a, Khawvel chen theihna zawng chungah hian, A thupek apiang an tih theihna'n.

¹³Zilhna'n emaw, a ram thatna'n emaw, Zahngaih vang emaw a rawn awm tir a ni.

¹⁴Joba, hei hi ngaichang teh, Beng sikin Pathian thiltih makte chu ngaihtuah teh.

¹⁵Chung chu Pathianin thu a pek dan leh A chhuma kawl a phettir dante i hria em ni?

¹⁶Chhum a kan theih dan te, Hriatna famkim neitu thiltih makte hi i hria em ni?

¹⁷Chhim thli avanga lei a reh thiap a, I silhfen a lo lumzia te hi?

¹⁸Ani chu van i kaih pharhpui thei em ni? Darthlalang chhun khal ang maia khauh chu?

¹⁹A hnena ka sawi tur chu min hriattir rawh le. Thimna avangin kan sawi thiam loh hi.

²⁰Ka sawi dawn tih amah hrilh tur em ni? Mahni intihboral miin a chak ngai em ni?

²¹Tunah, thli a lo thawh a, a chhem kianin Van zawla eng ropui chu miin an en ngam lo.

²²hmar atangin rangkachak eng a lo zam a, Pathian chu ropui ralthlak takin a inthuam a.

²³Engkimtitheia chu kan hmu chhuak thei lo a, Thiltihtheihna leh diknaah a ropui a, Felna a ngah a, a hnehchhiah lo ang.Chuvangin, miten amah an tih a, Intifingte chu tumah a pawisa chuang lo e.

²⁴Chuvangin, miten amah an tih a, Intifingte chu tumah a pawisa chuang lo e.