Read Baibul, Mizo Joba 4 Bible Online

Joba 4 - Baibul, Mizo bible

Joba 4

¹Tichuan, Elifaza Temani mi chuan a chhang a, heti hian a ti a:

²I hnenah thu kam khat sawi i la, i hua ang em? Mahse, tawng loin tu nge insum thei ang le?

³Ngai teh, mi tam tak i lo zirtir a, Kut chak lote i tichak tawh a.

⁴I thuin tlute a tungding a, Khup zawite chu i tichak a.

⁵Tunah i chungah a lo thleng ve ta a, i chau a, A han khawih chia, i buai ta a ni.

⁶I Pathian tih hi i rinchhan ber, I kawng ngilna hi i beisei chhan a ni lo em ni?

⁷Han ngaihtuah vang vang teh, pawi khawih lo tu nge boral? Khawnge mi ngil tihboin an awm ngai?

⁸Keia hmuh dan chuan khawlohna lei leta, Buaina tuh chuan a ngai vek an seng leh thin.

⁹Pathian thawah an boral thin a, A thinrimna chhemin an ral thin.

¹⁰Sakeibaknei rum te, sakeibaknei kawlh awrawl te, Sakeibaknei vanglai ngho te a tliak e.

¹¹Sakeibaknei upa chu ei chhamin a boral a, Sakeibakneipui no hruaite chu an darh e.

¹²Aruk tein ka hnenah thu a lo thleng a, Ka beng hian a phunru ser ser chu a hria.

¹³Mi mut reh lai taka Zan inlarna chu ka ngaihtuah laiin,

¹⁴Hlauhna ka chungah a lo thleng a, khurhna nen, Ka ruh zawng zawng a tinghing a.

¹⁵Tichuan, ka hmai hmaah thlarau a kal a, Ka hmulthi a ding sung sung.

¹⁶A ding a, mahse, a hmel lan dan ka thlei thei lo; Riruang zawng ka hmaah a awm ngei mai; A reh thiap a, tin, aw ka hria a.

¹⁷Pathian hmaah mihring thi thei a fel tawk em ni? A siamtu hmaah mihring a thianghlim tawk em ni?

¹⁸Ngai rawh, a chhiahhlawhte pawh a ring zo lo a, A vantirhkohte pawh a a ti a ni:

¹⁹Hlum ina chengte chu a va ring lo zual dawn em, Vaivuta siam mai a ni a, Phengphehlep anga awngrawp mai te chu!

²⁰Zing leh tlai karah an boral a, Tukhaw ngaihsak lohin an ral zel thin a ni.An chhunga puan in thlunna hrui pawh chah a nihin An thi mai a ni lawm ni, finna nei loin?

²¹An chhunga puan in thlunna hrui pawh chah a nihin An thi mai a ni lawm ni, finna nei loin?