Read Baibul, Mizo Joba 40 Bible Online

Joba 40 - Baibul, Mizo bible

Joba 40

¹Tin, LALPA chuan Joba hnenah a sawi zel a:

²Sawiseltu chuan Engkimtithei chu a hnial ang maw? Pathian hnialtu chuan chhang ang hmiang! Tiin.

³Tichuan, Joban LALPA chu a chhang a:

⁴Ngai teh, kei mi pawimawh tham lo te hian Engtin nge ka chan ang che? Ka ka ka hup mai a ni.

⁵Vawi khat ka sawi tawh a, ka chhang tawh lo ang che; A ni, vawihnih; ka chhunzawm tawh lo ang,' a ti a.

⁶Tin, LALPA chuan Joba chu thawngaleivir atangin heti hian a chhang a:

⁷Mipa takin i puan veng la, Thu ka zawt ang chia, mi hrilh ang che.

⁸Ka thurelte mi sutsak dawn em ni? Thiam i chan theihna'n, Thiam loh mi chantir dawn em ni?

⁹Pathian ban ang i nei em ni? Amah angin khawpui ri aw i chhuah thei em ni?

¹⁰Lalna leh zahawmna han inbel la, Chawimawina leh ropuinain inthuam rawh khai.

¹¹I thinrimna khat liam chu leih chhuak la, Mi chapo apiang chu en bikin titlawm teh khai.

¹²Mi chapo apiang chu en bikin tihniam la, Mi suaksualte chu an dinhmunah rep bet rawh le.

¹³Vaivutah phumhlawm la, Hmun biruah an hmelte phuar khawm teh le.

¹⁴Tichuan, i kut dinglam ngeiin a chhanhim thei che tih Kei ngei hian ka hria ang chu.

¹⁵En teh, nangmah ang bawka Behemoth ka siam hi, Bawng anga hnim ring mi a ni.

¹⁶Ngai teh mah, a chakna chu a kawngah a awm a, A thahrui chu a udl thuara awm a ni.

¹⁷Sidar angin a mei a tikhauh a, A malpui thate chu a phiar tlat mai.

¹⁸A ruhte chu ngen kawrawng ang a ni a, A fuke chu thir tlawn ang a ni.

¹⁹Pathian siam u ber a ni a, A siamtu chuan a tan khandaih a siamsak a.

²⁰Tlangte chuan chaw an chhuahsak thin a, Chu chu ramsa zawng anwg tualchaina a ni.

²¹Lotus buk hnuaiahte a bawk a, Pumphir hnuai leh dumahte pawh,

²²Lotus buk chuan a zar hlim a, Luia tuipuisuthlah chuan a hual vel a.

²³Ngai rawh, tui a lo len buan buan pawhin a hlau ngai lo: A ka thleng pawhin Jordan lian mah se, a zuam zel..A inralrin laiin miin an man thei em ni? A hnarah an thil thei ang em ni.

²⁴A inralrin laiin miin an man thei em ni? A hnarah an thil thei ang em ni.