Read Baibul, Mizo Joba 41 Bible Online

Joba 41 - Baibul, Mizo bible

Joba 41

¹Nghakuaiin liviathan i hnuk chhuak thei em ni? Hruihrualin a lei i phuar bet thei em ni?

²Phairuang hruiin a hnarah i thil thei em ni? Nghakuaiin a khabe i thil tlang thei em ni?

³I hnenah dilna tam tak a siam ang em ni? I hnenah thu nemin a sawi ang maw?

⁴Kumkhuaa rawngbawltua i hman turin I hnenah thuthlung a siam ang em ni?

⁵Sava ang lekin i khal thei dawn em ni? I hmeichhiate kaih atan i hling thei ang maw?

⁶sangha mantuhoten indawrna'n an hmang ang em ni? Sumdawng mite zingah an sem darh ang em ni?

⁷A vun khatin thir hling te, A luah nghafeite i riah thei em ni?

⁸A chungah kut han thlah teh, In inbeih edan tur chu ngaihtuah rawh, I ti leh tawh ngai lo ang!

⁹Ngai rawh, mihring beiseina chu a thlawna ni: A hmuh mai pawhin a beidawng nghal a ni.

¹⁰Amah chawk tho turin tumah an rorum ngam lo: Chuti anih chuan tu nge ka hmaah ding thei ang?

¹¹Tunge ka rulh leh tura thil mi pe hmasa awm? Van hnuaia thil engkim hi ka ta a ni.

¹²A fuke thu-ah ka ngawi reng lo ang a, A thahrui chakzia leh a taksa inphur tawkziaahte pawh.

¹³Tunge a vun pawnlang chu hlip thei ang? A khabe thuah hnih chhungah tu nge lo lut ang?

¹⁴Tuin nge a hmel kawngkapui chu hawng thei ang? A ha kual vel chu tihbaiawm taka ni.

¹⁵A vun char chu a chhuan ber a ni a, Char ang maia phui tlat a ni.

¹⁶A insik phui chiah avangin. A karah boruak pawh a lut thei lo.

¹⁷An inzawm theuh a, an inphan tlat avangin. Kaih theh theih a ni lo.

¹⁸A thaw chhuak chu a var sung sung a, A mitte chu khawfingchat ang ru mai a ni.

¹⁹A ka atangin meialh a chhuak a, Meisite a tek ur ur a.

²⁰A hnaran meikhu a lo chhuak a, Sa so bel nghawr leh phairuang mut ang vut vutin.

²¹A thawte chuan meihawl a tivam a, A kaan meialha chhuak a.

²²A nghawngah chakna a awm a, A hmaah tihbaiawmna a tualchai reng a.

²³A tang chhung vun pawh khing rut, Taksa nena inbelhbawm tlat, khawih chet rual loha ni.

²⁴A thinlung chu lung anga sak ani a, A ni, rawtsawmna lung hnuai zawk ang mai a ni.

²⁵Amah alo thawh chhuah meuh chuan Pasalthate pawhin an hlau a, An thlaphangin mahni pawh an inhre tawh thin lo.

²⁶Miin khandaihin bei mah se la, a hneh lo ang; Fei emaw, thal emaw, feitam emaw pawhin.

²⁷Thirte chu buhpawl ang lekah a ngai a, Ngen chu thing mawih angah.

²⁸Thalin a titlanchhe lo a, A lakah chuan virvawmte chu pawl bul ang lek a ni.

²⁹Talhtumte chu pawl bul anga ngaih a ni a, Feitam vungte chu a nuihsan mai a ni.

³⁰A hnuai lampangte pawh lampei hriam tak ang a ni a; Diakahte chuan buhchil khawl ang maiin a bawk a.

³¹Tui thuk tak chu bel angin a tiso buah buah a, Tuipui chu hlo bur ang lekah a siam a.

³²A kalna hnu chu a eng ruak a, Miin tuipui chu var buahin an hmu thin.

³³Lei chungah hian amah ang reng an awm lo e, Hlauh nei hauh loa siam chu.Thil sang apiang a en thin a, Inlulungte zinga a ber a ni.

³⁴Thil sang apiang a en thin a, Inlulungte zinga a ber a ni.