Read Baibul, Mizo Joba 5 Bible Online

Joba 5 - Baibul, Mizo bible

Joba 5

¹Han ko teh, chhang tur che an awm teh reng emaw? Mi thianghlim tu lam ber nge i hawi dawn?

²Vuina hian mi a a tihlum thei a, Itsiknain mi mawl a that thei. Itsiknain mi mawl a that thei.

³Mi a tak zung kai ka hmu a, Mahse, a chenna chu anchhia ka lawh nghal a.

⁴A fate chu an him awzawng lo, Kulh kawngka bulah chuan chil thlukin an awm a, Chhan chhuaktu tur lah an awm hek lo.

⁵A buh thar tur riltamten an ei zo a, Hling kar ata pawh an la a, A neih zawng zawng chu tuihalten an hap zo a.

⁶Tuarna hi vaivut ata lo chhuak a ni lo a, Buaina pawh hi lei atanga lo to chhuak a ni hek lo;

⁷Buai turin mihring a lo piang ani zawk, Meisi chung lamah a chho angin.

⁸Kei zawngin Pathian lam ka zawng ang a, Pathian hnenah ka chungthu ka kawltir ang.

⁹Thil ropui tak zawn chhuah rual loh te, Thil mak tak mai chhiar sen lohte titu chu:

¹⁰Ani chuan lei chungah ruah a rawn surtir a, Lo chungah tui a rawn luantir a:

¹¹Mi tlawmte chu a chawisang a, Lusunte chu himnaah a dah chho a,

¹²Mi fingte remruat a phet chhia a, An kutin a tum a puitlin lo.

¹³Mi fingte chu anmahni fin verveknain a awk a, Mi vervek remruat chu theh thlak der a ni.

¹⁴Chhun engah thim an tawk a, Chhun laiah zan angin an dap thin.

¹⁵An kaa khandaih lak ata retheite a chhan chhuak a, Mi chak kut ata tlachhamte pawh.

¹⁶Chutichuan, retheite chuan beisei an nei a, Khawlohnain a ka a chip a.

¹⁷Ngai rawh, Pathianin mi a thunun chu a eng a thawl e, Chuvangin, Engkimtitheia thununa chu ngainep suh.

¹⁸Ani chuan a tina a, a tuam leh a, A tihliam a, kutin a tidam leh a ni.

¹⁹Buaina parukah a chhan chhuak ang chia, A ni, pasarihah, thil tha lo reng rengin a khawih lo ang che.

²⁰Tam tlakin thihna ata a tlan ang chia, Indonaah chuan khandaih thiltihtheihna lak ata.

²¹Tawngkam tha lo lakah thup i ni ang a, Chhiatna a lo thlen pawhin i hlau lo ang.

²²Chhiatna leh tam chu i nuihsan ang a, leia sakawlhte i hlau hek lo ang.

²³Rama lungte chu i thurualpui dawn si a, Rama sakawlhte chuan an rem ang che.

²⁴Tin, i puan in chu a ralmuang tih i hria ang a, I huang chu i tlawh ang a, kim lo engmah a awm lo ang.

²⁵I thlahte chu tam tak an ni ang a, I rila rahte chu leia hlobet zat an ni tih i hria ang.

²⁶Kum tling takin i thlan i thleng ang a, A hun tea buhphal tel khawm tak ang mai hian.En teh, kan chhui chhuah tak hi, heti ngei hi a ni, Ngaithla la, i tana tha turin hre rawh.

²⁷En teh, kan chhui chhuah tak hi, heti ngei hi a ni, Ngaithla la, i tana tha turin hre rawh.