Read Baibul, Mizo Joba 7 Bible Online

Joba 7 - Baibul, Mizo bible

Joba 7

¹Leiah hian mihringin tawn tur a nei reng a ni lo'm ni? A nite chu inhlawhfa ni ang a ni lo'm ni?

²Chhiahhlawh daihlim chak em emtu ang. Leh inhlawhfa a hlawh thlir rengtu ang hian.

³Engmah lo maiin thla tam ka lo hmang ral a, Zan ninawm takte ka tan ruat a ni.

⁴Ka mutin 'Engtik takah tho ang i maw' ka ti a; Mahse, zan a rei em em; Khawfingchah thlengin ka let ka let a.

⁵Ka tisa chu lung leh bawlhhlawhin a khat a, Ka vun chu a lo phui a, a keh thar leh a.

⁶Ka nite hi puantahtu khawhthei aiin a liam rang a, Beiseina tel loin an ral a.

⁷Ka nunna hi thli mai a ni tih hre reng la, Ka mitin thil tha a hmuh tawh dawn loh hi.

⁸Mi hmutu mit chuan mi hmu ngai tawh lawng, I mit ka chungah a fu ang a, mahse, ka awm tawh lo ang.

⁹Chhum a kiang a, a boral angin Seola chhuk tawh an chhuak leh ngai lo.

¹⁰A inah chuan a kir ngai tawh lo ang a, A hmunin amah a hre leh tawh hek lo ang.

¹¹Chuvang chuan ka kam ka sum lo ang; Thinlung lunghnurin ka sawi dawn e; Rilru na ngawih ngawihin ka phunnawi dawn e.

¹²Tuipui nge maw ka niha, tuipui rulpui nge maw ka niha, Nangin mi enthlatu i dah ni?

¹³Ka khumin mi tinuam ang a, Ka phunnawi chhan hi ka muthmunin a tinep ang, ka ti a;

¹⁴Nang lah chuan mumangah mi tihthaih a, inlarnate hmangin mi tihlau a,

¹⁵Ka nun hian rehhlum a thlang hial ta zawk a, He ka taksaa chen reng ai hian.

¹⁶Ka ning hluah hluah, ka nung rei lo ang; Ka awm awmin ka awm ang e, ka nite hi engmah lo an nih hi.

¹⁷Mihring hi eng nge maw a niha, i ngaihsana, A chunga i rilru i nghah tlata,

¹⁸Tuk tin, amah i tlawh thina, eng lai pawha i fiah thin ni?

¹⁹Eng chen nge khaw dang hawisan loin i awm anga, Ka chil ka lem chhungte pawh mi hlamchhiah loa i awm dawn?

²⁰Ka sual anih pawhin i chungah eng nge ka tih ni, Aw mihringte vengtu? Engah nge i chhinchhiah atan mi daha, Mahni tana phurrit ka nih tak hial hi le?Engah nge ka bawhchiat i ngaihdam loh a, Ka khawlohna i lak bo loh le? Tunah vaivutah ka mu dawn ta si a, Mi zawng chiam ang, mahse, ka awm lo ang.

²¹Engah nge ka bawhchiat i ngaihdam loh a, Ka khawlohna i lak bo loh le? Tunah vaivutah ka mu dawn ta si a, Mi zawng chiam ang, mahse, ka awm lo ang.