Read Baibul, Mizo Joba 8 Bible Online

Joba 8 - Baibul, Mizo bible

Joba 8

¹Tichuan Bildada Suhi mi chuan a chhang a, heti hian a ti a:

²Eng chen nge he'ng thil hi sawi dawn a, I kamchhuak chu thlipui ang a nih reng dawn?

³Pathianin rorelna a kailek ngai em ni? Engkimtitheian a dik chu a kailek ngai em ni?

⁴I fate a chungah an sual a nih chuan An bawhchhiatna kutah a mantir a:

⁵Pathian i zawn ngat ngata, Engkimtitheia hnena i dil ngat ngat chuan,

⁶Thianghlim leh ngil i nih chuan I tan bengvar a thawh ngei ang a, Dinhmun dik a pe ang che.

⁷I bul lamah te mah la, I tawp lamah i lian ang.

⁸Hman lai hun kha zawt chhuak teh aw, An pi pute hmuh chhuah kha ngaihtuah teh,

⁹Nimina mi lek kan ni, eng kan hre si lo. Leia kan awm chhung hi hlimthla chauh a nih hi:

¹⁰Chung chuan an zirtirin an hrilh chein An hriatna thate chu an sawi chhuak dawn lo'm ni?

¹¹Dum loah pumphir a to thei em ni? Tui loah phairuang a tha thei em ni?

¹²A la duah lai reng pawhin sahthluk lohin. Thlai dangte aiin a uai hma thin.

¹³Pathian theihnghilhtu kawng chu chutiang a ni, Pathian ngaihsak lo mi beiseina chu a bo ang.

¹⁴A innghahna chu a chim darh ang a, A rinchhan chu maimaw ril mai a ni.

¹⁵A in a ngheng a, mahse, a dawl lo, A vuan tlat a, mahse, a tuar lo ang.

¹⁶Ni chhuah hma chuan a hring a, A chawrte chuan a huan a hliap a,

¹⁷Sih tui sirah a zung a thlak a, Lung hmun a hmu a,

¹⁸A hmun ata tihbo a nihin, Ka hmu ngai lo che, tiin a phat ang.

¹⁹Ngai teh, hei hi a kawnga hlimna chu a ni mai, Lei atang chuan a dangte an lo to chhuak ang.

²⁰Ngai teh, pathianin mi tha a paih bo lo ang a, Thil sual titu a tungding hek lo ang.

²¹I ka nuihnain a tikhat ang a, I hmui pawh hlim au thawmin.A hawtu che chu zahnaa tuam an ni ang a, Mi suaksual puan in pawh a awm tawh lawng.

²²A hawtu che chu zahnaa tuam an ni ang a, Mi suaksual puan in pawh a awm tawh lawng.