Read Baibul, Mizo Joba 9 Bible Online

Joba 9 - Baibul, Mizo bible

Joba 9

¹Tichuan, Joban a chhang a, heti hian a ti a:

²Chuti a nih zawng dik takin ka hria, Mahse, engtin nge Pathian hmaah mi a fel theih ang?

³Amah hnial kalh duh ang se, Vawi sangah vawi khat pawh a chhang thei lo ang.

⁴Thinlunga fing, chaknaa engkimtithei, A laka inchhungawng tu nge hmuingil?

⁵Tlangte a sawn a, an hre lo a, A thinrima a tihdanglam lai khan.

⁶Lei a hmunah a sawi nghing a, A bante chu a nghing dur dur a.

⁷Ni thu a pe a, a chhuak lo a, Arsite pawh chu a kharkhip a.

⁸Mahni chauha van tipharhtu leh Tuipui fawn chunga kal chu.

⁹Zangkhua te, Chhohreivung te, Siruk te siamtu, Chhim lam pindante siamtu chu.

¹⁰Thil ropui chhui chhuah rual loh te, A ni, thil mak tak chhiar sen rual loh titu chu.

¹¹Ngai teh, ka bulah a kal a, ka hmu si lo; A tlang ta zel a, ka hre si lo.

¹²Ngai teh, a la mai a, tu nge khap thei? Eng nge i tih, tu nge ti ang le?

¹³Pathianin a thinrimna a sum lo ang a, Rahab puitute a hnuaiah an kun a.

¹⁴Kei tehlulin engtin nge ani chu ka chhan ang a, Amah hnialna'n thu eng nge in thlan chhuah ang?

¹⁵Dik mah i la, ani zawng ka chhang lo ang, Ka khinna chu ka dil zawk ang.

¹⁶Ko i la, ani chuan mi chhang se la, Ka thu a dawnsawn ka ring chuang lo.,

¹⁷Thlipuiin mi tichia a, vang awm loin ka hliamte mi belhchhah a,

¹⁸Thawk ka lak pawh mi phalsak lo a, Hrehawmin mi tikhat a.

¹⁹Chakna thu-ah chuan, en teh, Chaka chu, rorelna lam thu-ah ani chu tu nge khawm ang?

²⁰Dik mah i la, ka ka hian thiam loh mi chantir ang. Demawm lo mah i la, mi chantir ang.

²¹Demawm lo ka ni, ka inngai sang lo; Ka nun hi ka hmusit a ni.

²²A thuhmun vek mai, chuvang alawm Tha famkim pawh, suaksual pawh a tichhia, ka tih ni.

²³Chhiatnain thihna a thlen thut chuan, Mi nun tlang tuarna chu a nuihzat ang.

²⁴Lei hi mi suaksual kutah pek a ni a, A roreltute hmai a khuh a,

²⁵Amah a nih loh chuan tu dang nge ni ang? ka hunte hi zualko tlan aiin a chak a, An thlawk bo a, thil tha reng an hmu lo.

²⁶An kal liam a, lawng chak tak angin, Mupui tum nei bir angin.,

²⁷Ka vuina hi ka theihnghilh ang a. Ka lungngai hmel hi ka dah bo ang a, Ka intihlim ang, ka tihin,

²⁸Ka lungngaihna zawng zawng hi ka hlau a, Nangin mi tlangah mi ngai lo ang tih ka hria.

²⁹Thiam loh chang tur ka ni a, Eng nge sawt lo tura ka tan teh chiam ang?

³⁰Vurin inbual mah i la; Ka kutte chingalin sil mah i la;

³¹Khuarkhurumah mi hnim tho ang a, Ka silhfente ngei pawhin mi ten ang.

³²Rorelna hmaa ding duna ka chhan turin, Ani chu kei anga mihring a ni si lo.

³³Kan chunga kut nghat ve ve tur, Kan kara thu titlutu reng an awm lo.

³⁴Ka lak ata a tiang la bo se la, A tihbaihawmnain mi tihlau suh se.Tichuan, amah hlau loin ka tawng ang, Mahni chuan chutiang ka ni si lo.

³⁵Tichuan, amah hlau loin ka tawng ang, Mahni chuan chutiang ka ni si lo.