Read Baibul, Mizo Sam 10 Bible Online

Sam 10 - Baibul, Mizo bible

Sam 10

¹Aw LALPA, engati nge hla taka i din thin le: Engati nge mangan laitea i inthup thin le?

²Mi suaksualte chapona avangin mi tetheite chu nekin an awm thin; An thil sual ngaihtuah chhuahahte chuan anmahni ngei awk rawh se.

³Mi suaksual chuan a thinlung duhzawng a chhuang a, Mi duham chuan LALPA chu a paih thla a, a hmusit thin.

⁴Mi suaksual chuan chapo hmel puin, "A phut lo ang," a ti thin. A ngaihtuahna zawng zawng chu, "Pathian reng a awm lo," tih hlir a ni.

⁵A awm dante chu eng lai pawhin a nghet reng a; I rorelnate chu chung lam hla takah, ahmuh phak loah, a awm daih a: Amah dotue zawng zawng lah chu anuihsan mai thin.

⁶A rilruah chuan, "Ka nghing lo ang: Chhuan zawng zawng thlengin mangangin ka awm lo ang," a ti a.

⁷A ka chu anchhe lawhnana te, tihderna te, tihduhdahnatein a khar a: A lei hnuaiah chuan thil tihsualna leh khawlohna aw a.

⁸Khaw tina chan rukna hmunahe a thu thin a: Hmun fianrialahte chuan pawikhawih lo mite a that thin: A mitin engmah ti thei lo mi chu a chang ru reng thin a ni.

⁹Sakeibakneiin apuka a chang ru angin ani chuan fianrialah a chang ru reng thin a: Mi rethei man turin a chang thin a: Mi rethei chu aman ngei a, tichuan a lenin ahnuk bo thin.

¹⁰A bawk per a, a kun a, Engmah ti thei lo mite chu ami chakteho tihtlukin an awm thin.

¹¹A rilruah chuan, "Pathianin a theihnghilh a ni: A hmai chu a thup a; engtikah mah a hmu lo ang," a ti thin a.

¹²Aw LALPA, tho la;aw Pathian, i kut han lek teh: Mi retheite chu theihnghilh suh ang che.

¹³Eng vangin nge mi suaksual chua Pathian a hmusit a, A rilruin, "I phut lo ang" a tih thin ni?

¹⁴Hmuh chu i hmu tawh reng a; i kuta thungrul turin thil tihsual leh tihvuina i en reng si a: Engmah ti thei lo mi chu i hnenah a inkawltir thin a: Pa nei lo tanpuitu i nih thin kha.

¹⁵Mi suaksual ban chu titliak la; Mi sual chu, a suahsualna zawng chhuak ang che, i hmuh loh thuai hma loh chuan.

¹⁶LALPA chu kumkhaw tlaitluan atana Lalber a ni a: Hnam tin chu ama ram ata an boral ta.

¹⁷17-18, LALPA, leia mi chu hlauhawm taka a awm leh tawh lohna turin, Pa nei lo leh hnehchhiahna tuarte rorelsakna'n, Thuhnuairawlhte duhzawng chu i ngaithla tawha: An thinlung chu i buatsaih ang a, i beng chu i ngaihthlaktir ang.17-18, LALPA, leia mi chu hlauhawm taka a awm leh tawh lohna turin, Pa nei lo leh hnehchhiahna tuarte rorelsakna'n, Thuhnuairawlhte duhzawng chu i ngaithla tawha: An thinlung chu i buatsaih ang a, i beng chu i ngaihthlaktir ang.

¹⁸17-18, LALPA, leia mi chu hlauhawm taka a awm leh tawh lohna turin, Pa nei lo leh hnehchhiahna tuarte rorelsakna'n, Thuhnuairawlhte duhzawng chu i ngaithla tawha: An thinlung chu i buatsaih ang a, i beng chu i ngaihthlaktir ang.