Read Baibul, Mizo Sam 102 Bible Online

Sam 102 - Baibul, Mizo bible

Sam 102

¹Aw LALPA, ka tawngtaina hi ngaithla la, Ka au thawm hi i hnen thleng rawh se.

²Ka mangan niah ka lakah hian i hmai thup suh la: Ka lamah hian i beng rawn dawh la; Ka koh hun che chuan mi chhang thuai ang che.

³Ka dam chhung nite hi meikhu angin a zam ral a, Ka ruhte hi thingthu angin a sa a.

⁴Ka thinlung hi hlobet anga em hlumin a awm a, a vuai zo ta; Chaw ei pawh ka theihnghilh si a.

⁵Ka rum thawm avangin Ka ruhte hi ka tisaah a bet tlat a ni.

⁶Thlaler tuivalawng ang ka nia; Khaw ram chhimbuk ang mai ka lo ni ta.

⁷Ka meng reng a, Chawngzawng, in chunga amah chauh va awm ang ka lo ni ta.

⁸Mi dotute chuan nilengin mi sawichhe thin a; Ka chunga kawlhte chuan keimah anga awm turin anchhia na lawh thin.

⁹Vut hi chaw nagin ka ei a, Ka in tur chu mittui nen ka pawlh ta si a,

¹⁰I lungnih loh em em leh i thinur avangin: Nangin mi la kang a, mi paih bo ta si a.

¹¹Ka dam chhung nite hi tlai hlim ral lam tung tawh ang a ni a; Hlobet angin ka vuai ta a.

¹²Aw LALPA, ang erawh chu kumkhuain i awm ang a; Nangmah hriat rengna pawh chhuan zawng zawng thlengin a awm bawk ang.

¹³I tho ang a, Zion tlang chu i khawngaih ang: Ani chu khawngaih a hun tawh si a, a ni, hun ruat chu a tlang ta.

¹⁴I chhiahhlawhte chuan a lungte chu an ngainain, A vaivut pawh an khawngaih si a.

¹⁵Chutichuan hnam tinin LALPA hming chu an tih ang a, Leia lal zawng zawng chuan i ropuina chuan tih bawk ang.

¹⁶LALPA chuan Zion khua chu a din leh ta si a, A ropuinaa intuamin alang ta a;

¹⁷Pachhiate tawngtaina ch angaihsak a, An tawngtaina chu ahmusit lo.

¹⁸Chu chu thangthar lo la awm tur tan chuan ziak ani ang a: Hnam siama lo la awm tur chuan LALPA chu an fak ang.

¹⁹Ani chuan ahmun thianghlim sang tak atangin a zuk en a; LALPA chuan van atang khian lei hi a hmu a;

²⁰Mi tang rum chu ngaithla tur leh, Thi tura ruatte chu phelh turin;

²¹,22 LALPA rawngbawl tura Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nan.

²²,21 LALPA rawngbawl tura Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nan.

²³Ani chuan kawng lakah hian ka tha a tithum a; Ka dam chhng hi a titawi a.

²⁴Aw ka Pathian, ka vanglai niahte hian mi la bo suh ang che," ka ti a: Nanga kumte chu chhuan awm chhung zawng zawngin a awm ang.

²⁵Leilung nghahchhan chu hmasanga i phum tawh ani a; Vante pawh i kut chhuak a ni.

²⁶Chungte chu a la boral ang a, nang erawh chu i awm reng ang: A ni, chung zawng zawngte chu silhfen angin a la hlui ang a; Puan angin i thlak ang a, a lo danglam tawh ang:

²⁷Nang erawh chu i pangngai fo a, I kumte chuan ral ni reng a nei lo ang.I chhiahhlawhte fate chu an awm reng ang a, An thlahte chu i hmaah tihnghehin an awm ang.

²⁸I chhiahhlawhte fate chu an awm reng ang a, An thlahte chu i hmaah tihnghehin an awm ang.