Read Baibul, Mizo Sam 105 Bible Online

Sam 105 - Baibul, Mizo bible

Sam 105

¹Aw LALPA hnenah lawm thi hril u la, a hming lam rawh u; Mi tin, zingah chuan a thiltihte chu hriattir rawh u.

²Amah chawimawiin hla sa u la, amah fakin zai rawh u; A thilmak tih zawng zawng thu chu titi rawh u.

³A hming thianghlim chu chuang rawh u. LALPA zawngtute thinlung chi hlim rawh se.

⁴LALPA leh a chakna chu zawng u la; A hmel chu zawng fo rawh u.

⁵,6 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorel chuakte chu.

⁶,5 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorel chuakte chu.

⁷Ani chu LALPA kan Pathian chu a ni a: A rorelte chu lei chung zawng zawngah hian a awm.

⁸A thuthlun chu kumkhuain a hre thin a, Chhuan sangkhat thlenga a thu lo pek chu;

⁹Abrahama hnena a thuthlun leh, Isaaka hnena a chhechham chu;

¹⁰Chu vek chu thuriat atan Jakoba hnenah a tinghet a, Israela hnena kumkhaw thungthlung atan:

¹¹Kanaan ram hi ka pe ang che, I ro chanpual tur chu," tiin:

¹²Mi tlemte chauh an nih lai kha; A ni, tlemte mai, chu mi ramah chuan mikhual an ni nghal si a:

¹³Hnam hrang hrang hnenah an kal lawr an kal lawr a. Ram hrang hang atangin mi hrang hrangte hnenah

¹⁴Tuma hnehchhiah a phal lo va: A ni, anmahni avangin lalte pawh a zilhhau a;

¹⁵Ka hriak thihate chu tawk suh u la, Ka zawlneite pawi reng reng pawh khawih suh u," tiin.

¹⁶Chu mi rama tla turin tam a ko a; Ei tur reng reng a awm lohtir ta a.

¹⁷An hmaah mi a tir a; Josefa chu chhiahhlawh atan hralhin a awm a:

¹⁸A kete chu kawlin a tina a; Thir khaidiat bunin a awm ta a:

¹⁹A thu a thlen h ma loh chuan; LALPA thuin amah chu a fiah thin a.

²⁰Lalber chuan mi a tir a, a phelh a, A chauh ta a, mi tin, roreltu ngei chuan.

²¹A chhungte chunga hotuah leh, A sum zawng zawng chunga roreltuah a siam a:

²²A mi liante chu a duh duha phur tur leh, A upaho tifing turin.

²³Israela pawh chu Aiguipta ramah a kal a; Jakoba chu Hama ramah chuan a awm ta rih a.

²⁴A mite chu nasa takin a tipung a, Anmahni dotute aiin a tichak ta zawk a.

²⁵A mite haw turin an thinlung a lamlettir a, A chhiahhlawhte chunga vervek taka ti turin.

²⁶A chhiahhlawh Mosia chu a tir a, A mi thlan Arona nen.

²⁷Anni chuan a chhinchhiahnate chu an zingah an entir a, Hama ramah chuan thilmakte an entir a.

²⁸Ani chuan thim a tir a, a tithim ta a; Tichuan a thute chu an hnial ta lo a.

²⁹An tuite chu thisenah a chantir a, An sanghate chu a tihlum ta a.

³⁰An ram chu chunguin a khat ta a, An lalte pindanah lam pawh.

³¹Ani chuan thu a sawi a, tichuan tho tam tak a lo kal a, Hrik pawh an ram chhung zawng zawngah a lo kal bawk a.

³²An hnenah ruah aiah rial a pe a, An ramah chuan mei alh zawk zawk a pe ta bawk a.

³³An grep hruite leh an theipui kungte a tithi a; An rama thingte chu a titliak ta bawk a.

³⁴Ani chuan thu a sawi a, tichuan khaukhuapte an lo kal a, Pangangte nen, chhiar sen rual loh mai hian.

³⁵Chunge chuan an rama thlai tinrenget chu an ei zoa, An lei rahte pawh an ei zo ta bawk a.

³⁶An rama fa tir awm zawng zawng a tihlum a, An chakna zawng zawng rah hmasa berte chu.

³⁷Tichuan, tangka leh rangkachak nen a hruai chhuak ta a: Anma hnamte zingah chuan mi chak lo pakhat mah an awm lo.

³⁸An chhuah lai chuan Aigupta-ho chu an lawm a: Anni chu an lo hlauh tak avangin.

³⁹Ani chuan hliahtu atan chhum a zamtir a, Zana en turin mei a pe bawk a.

⁴⁰An dil a, tichuan vahmim a rawn hruai a, Van chawin anmahni a titlai ta a.

⁴¹Lungpui chu a hawng a, tichuan tui a lo chhuak dur dur a, Hmun rovahte chuan lui ang mai hian a luang ta a.

⁴²A thu thianghlim kha a hre reng si a, A chhiahhlawh Abrahama nen khan.

⁴³Tichuan, a mite chu hlim takin a hruai chhuak ta a, A mi thlante chu hla sa chung zelin.

⁴⁴Tin, hnam tin ramte chu a peksak a; Anni chuan mi tin, thawh chhuak sa chu an luah ta a;A thuruatte chu an zawm theih a, A dante chu an vawn that theihna'n. LALPA chu fak rawh u.

⁴⁵A thuruatte chu an zawm theih a, A dante chu an vawn that theihna'n. LALPA chu fak rawh u.