Read Baibul, Mizo Sam 106 Bible Online

Sam 106 - Baibul, Mizo bible

Sam 106

¹LALPA chu fak rawh u. Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a.

²Tunge LALPA thiltih ropui takte chu sawi thei a, A fakna zawng zawng hriattir vek thei le?

³rorelna vawng thate chu an eng a thawl e, Englai pawha fel taka titu nen.

⁴Aw LALPA, i mite i duhsaknain mi hre reng la, Aw, i chhandamna nen mi kan ang che:

⁵I mi thlante nihlawhna ka hmuh theih a, I rochanho nena ka chhuan theihna'n.

⁶Min thlahtute nen khan thil kan tisual a, Thil sual kan ti a, sual takin kan ti ta a.

⁷Min thlahtute khan Aigupta rama i thilmak tihte kha an hre thiam lo a; I ngilneihna nasa tak kha an hre reng ta lo va: Tuifinriatah an hel ta zawk a, Tuifinriat Senah khan.

⁸Chuti chung pawhin ama hming avangin anni chu a chhandam ta a, A thiltihtheihna ropui tak chu a hriattir theihna turin.

⁹Tuifinriat Sen chu a zilhhau a, tichuan a kang ta a: Chutichuan anni chu thlalerah hruai tlang ang maiin tui thuk takahte chuan a hruai tlang ta a.

¹⁰Anmahni hawtu kut ata chu a chhandam a, Hmelma kut ata chu a tlan ta a.

¹¹Tuite chuan anmahni dotute chu a khuh zo a, Pakhat mah dama chhuak an awm ta lo a.

¹²Chu mi lai chuan a thute chu an ring a; A fakna hla an sa a.

¹³Nimahsela a thiltihte ch an theihnghilh ta thuai a; A remruat chu an nghak peih lo va:

¹⁴Thlalerah chuan thil an chak em em a, Ram rovah chuan Pathian an fiah ta zawk a.

¹⁵An thil dil chu a pe a; Nimahsela an nunnaah chan cherna aluhtir ta a.

¹⁶An riahhmunah chuan Mosia chu an itsik a, LALPA mi thianghlim Arona nen.

¹⁷Lei chu a ang a, Dathana chu a lem a, Abirama pawlte chu a khuh zo ta a.

¹⁸An pawl zingah chuan mei tihalhin a lo awm a; Meialh chuan mi suaksualte chu a kang ral ta.

¹⁹Horeb tlangah chuan bawng no lem an sima a, A lem chhun chu an be ta a.

²⁰Chutiang chuan an ropuina chu Bawngpa hlobet ei mi ang lekah an chantir ta a.

²¹Pathian an chhandamtu an theihnghilh ta a, Aiguta rama thil ropui tak tak

²²(Hana ramah thilmak takte, Tuifinriat Sen kamah thil rapthlak takte) titu chu.

²³Chuvangin, a tiboral dah ang e, ti-a, a thinrim tikir turin, A mi thlan Mosia ch aluhna turah chuan a hmaah ding lo phei se la chuan, A tiboral ang tih a sawi a.

²⁴A ni, ram duhawm tak chu an ngainep a, A thu chu an ring duh lo a;

²⁵An puan inahte chuan an phunnawi ta zawk a, LALPA aw chu an ngaithla duh lo a.

²⁶Chuvangin an lamah chuan a kut a phar a, Anniho chu thlaleraa tihtlukna tur leh,

²⁷An chi thlah turte chu hnam tin zinga a tihtluk a, Ram tina a tihdarhna turin.

²⁸Baal-peora lamah chuan an bet a, Mitthi hnena thilhlante chu an ei ve ta a. Tichuan hri chu an chungah alo leng ta a.

²⁹Chutiang chuan an thiltihtein ani chu an tithinur a, Tichuan hri chu an chungah a lo leng ta a.

³⁰Chu mi lai chuan Phinehasa chu a ding a, ro a rel a: Tichuan hri chu tihrehin a awm ta a.

³¹Chu chu a felnaa ruat a ni, Kumkhuain chhuan zawng zawng thlengin.

³²Meriba tuiahte pawh chuan ani chu an tithinur a, Chutichuan anmahni avangin Mosia chungah thil tha lo a thleng ta hial a:

³³A thlarau chunga an hel a, A hmuia tha lo taka a sawi avangin.

³⁴LALPA'n an hnena tihboral thu a pek angin Mipuihote ch an tiboral lo a.

³⁵Hnam tin chu an pawlh a, An thiltihte chu an zir zawk a.

³⁶An milem rawngte an bawl a; Chung chu an tant hang a lo ni ta a.

³⁷A ni, ramhuai hnenahte chan an fapate an fanutein an inthawi a,

³⁸Thisen sawiselbo, an fapate leh an fanute thisen ngei chu an chauh ta a. Chungho chu Kanaan ram milemte hnenah an inthawi a; Chu mi ram chu thisenin a lo bawlhhlawh ta a.

³⁹Chutiang chuan an hnathawhtea tihbawrhbanin an awm a, An thiltihahte chuan an lo uire ta a.

⁴⁰Chuvangin LALPA thin chu a mite chungah a thawk a, A rochan chu a ten ta a.

⁴¹Tichuan anni chu hnam tin kutah a pe a; Anmahni hawtute chuan an chungah ro an rel ta a.

⁴²Anmahni dotuten an hnehchhiah a, An kut hnuaiah chuan tihtlawmin an awm ta a.

⁴³Vawi tam tak anni chu a chhanhim a; Nimahsela a remruatnaah chuan an hel thin a, An khawlohnaah chuan tihhniamin an awm ta a.

⁴⁴Chuti chung pawhin ani chuan, an au thawm a hriat chuan, An mangang chu a ngaihsak a:

⁴⁵A thuthlun chu anmahni a hriatsak reng a, A ngilneihna nasat avangin a rilru a lamlet ta a.

⁴⁶Sala hruaitu zawng zawngte chu Anmahni a khawngaihtir a.

⁴⁷Aw LALPA kan Pathian, min chhandam la, Hnam tin zing ata min hruai khawm ang che, I hming thianghlim chu fak tur leh I fakna chhuang turin.LALPA, Israel-ho Pathian chu, fakin awm rawh se, Chatuan ata chatuan thleng pawhin. Mi zawng zawng chuan, "Amen," ti rawh se. LALPA chu fak rawh u.

⁴⁸LALPA, Israel-ho Pathian chu, fakin awm rawh se, Chatuan ata chatuan thleng pawhin. Mi zawng zawng chuan, "Amen," ti rawh se. LALPA chu fak rawh u.