Read Baibul, Mizo Sam 107 Bible Online

Sam 107 - Baibul, Mizo bible

Sam 107

¹Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a.

²LALPA mi tlante chuan chutiang chu sawi rawh se, Dotu kut ata a tlan,

³Ram tin, ata a hruai khawm, Chhak leh thlang, chhim leh hmar atate chuan.

⁴Thlalera ram ro kawngah chuan an vak an vak a; Mihring awmna khua reng reng an hmu lo a.

⁵Riltam leh tuihalin An nunna hchu an kawchhungah a chau ta a.

⁶Chu veleh an buainaah chuan LALPA chu an au a, Ani chuan an manganna atate chu a chhanhim a.

⁷Mihring awmna khuaa na kal theihna'n Kawng ngil takah a hruai ta a.

⁸Aw, mihringte hian LALPA chu a ngilneihna avang leh, Mihring fate chunga a thilmak tihte avang hian fak teh se la aw!

⁹Ani chuan nuna thil chak em em chu a titlain, Nunna riltam chu thatnain a tipuar si thin a.

¹⁰Thim hnuaiah leh thihna hlima thua, Hrehawmna leh thira phuarte chu;

¹¹Pathian thu chungahte an hel a, Chungnungbera remruat chu an ngaihnepa vnagin:

¹²Ani chuan an thinlung chu thawhrimnain ahmin ta a; An tlu a, tanpuitu tur reng reng an awm si lo a,

¹³Chu veleh an buainaah chuan LALPA chu an au a, Ani chuan an manganna atate chu a chhandam a.

¹⁴Thim hnuai ata leh thihna hli ata chu a hruai chhuak a, An phuarnate chu a tichat ta a.

¹⁵Aw, mihringte hian LALPA chu a ngilneihna avang leh, Mihring fate chunga a thilmak tihte avang hian fak teh se la aw!

¹⁶Ani chuan dar kawngkharte chu a tichhia a, A kalhna thir tlawnte chu a tibung ta si a.

¹⁷Mi ate chu an bawhchhiatna avang leh, An khawlohnate avangin an intihreawm thin a.

¹⁸An nunna chuan ei tur tinreng hi a ten a; Thihna kulh kawngkharte chu an hnaih thin a.

¹⁹Chu veleh an buainaah chuan LALPA chu an au a, Ani chuan an manganna atate chu a chhandam thin.

²⁰A thu chu a tir chhuak a, anni chu a tidam thin a, An boralna tur atate chu a chhandam thin.

²¹Aw, mihringte hian LALPA chu a ngilneihna avang leh, Mihring fate chunga a t hilmak tihte avang hian fak teh se la aw!

²²Anni chu lawm thu sawi inthawinate chu hlan se la, A thiltihte chu hla sain hril rawh se.

²³Tuifinriatah lawng liana zuk kal a, Tui zau tak chungte hnathawk thinte chuan;

²⁴Chungte chuan LALPA thiltihte leh, Tui thuk taka a thilmak tihte chu an hmu thin.

²⁵Ani chuan thu a pe a, thlipui a tlehtir a, Chu chuan a tuifawnte ch a tisang thin.

²⁶Vanah an chho tual tual a, thuk takah an chhuk leh tual tual thin a: Manganna avangin an nunna chu a tuiral thin.

²⁷Zu rui angin an thle an thle a, an pei thlawk thlawk a, Awm ngaihna reng reng an hre thin lo.

²⁸Chu veleh an buainaah chuan LALPA chu an au a, Ani chuan an manganna atate chu a hruai chhuak thin.

²⁹Thlipui chu a tibang thuap a, Chutichuan a tuifawnte a reh thup thin.

³⁰Tin, a reh tak avangin an lawm thin a; Ani chuan an ngaih tak thli upah chuan a hruai thleng thin.

³¹Aw, mihringte hian LALPA chu a ngilneihna avang leh, Mihirng fate chunga a t hilmak tihte avang hian fak teh se la aw;

³²Anni chuan mite inkhawmnaah amah chu fak se la, Upaho thutnaah chuan fak rawh se.

³³Ani chuan luipuite chu thlalerah a chantir thin a, Tuihnate chu lei rovah a chantir bawk thin.

³⁴Ram tha chu ram ro alah a chantir thin, A chhunga awmho suahsual avangin.

³⁵Thlaler chu dilah a chantir thin a, Ram ro chu tuihnaahte a chantir bawk thin.

³⁶Chutah chuan riltamte chu a awmtir thin, Awmna tur khua an buatsaih a,

³⁷Lote an neih a, grep huante an siam a, A rah lo pungte chu an hmuh theihna turin.

³⁸Anni chu mal a samw thin a, chutichuan nasa taka tihpunin an awm a; An rante chu a hmuh a phal thin lo a.

³⁹Tin, hnehchhiahna te, hrehawmna te lungngaihna te avangin, An hmuih ta telh telh a, an kun ta tlawk tlawk thung a.

⁴⁰Ani chuan mi liante chungah hmusitna a leihbaw thin a, Thlaler, kawng reng reng awm lohnaah chuan a vah a vahtir a.

⁴¹Nimahsela retheite chu hrehawmna atangin hmun sangah a hlang thin a, Ran rual angin chhungte a siamsak thin.

⁴²Mi dik takte chuan chu chu an hmu ang a, an lawm ang; Khawlohna zawng zawng chuan a ka a hup ang.Tupawh fing apiangin chungte chu an vawng tha ang a, LALPA ngilneihnate an ngaihtuah ang.

⁴³Tupawh fing apiangin chungte chu an vawng tha ang a, LALPA ngilneihnate an ngaihtuah ang.