Read Baibul, Mizo Sam 109 Bible Online

Sam 109 - Baibul, Mizo bible

Sam 109

¹Aw, ka fak Pathian, ngawi reng suh ang che;

²Mi suaksual ka leh ka bumhmang chu ka chungah an ang si a: Anni chuan lei dawtheiin ka hnenah thu an sawi a.

³Huatna thuin mi hual vel a, Enga khawlawi loin mi do a.

⁴Ka hmangaih avangin mi dotute an lo ni ta a: Nimahsela kei chu tawngtai turin ka inpe tlat a.

⁵Anni chuan thil tha hchu thil sualin mi rul a, Ka hmangaihna chu huatnain mi rul bawk a.

⁶Nangin a chungah mi sual dah la: A ding lamah hektu ding rawh se.

⁷rorelsaka a awm hunin thiam loh changin chhuak se la; A tawngtaina chu sualnaah lo chang rawh se.

⁸A dam chhung nite chu tlem se la; A hotu nihna chu mi dangin chang rawh se.

⁹A fate chu pa loin awm se la, A nupui chu hmeithaiin awm bawk rawh se.

¹⁰A fate ch mi vakvai lo niin, kut dawh se la; An ei tur chu an hmun ramahte chuan zawng rawh se.

¹¹A pung uma tangka puktirtu chuan a neih zawng zawng chu laksak vek se la; Mikhualte chuan a thawhrim rah chu rawk rawh se.

¹²A chunga ngilneihna lantir zeltu tur tumah awm suh se la; A fa, pa nei lo te khawngaihtu tur tumah awm hek suh se.

¹³A thlahte chu tihboralin awm se la; Thangthar lo la awm lehah chuan an hming chu thai boin awm rawh se.

¹⁴A thlahtute khawlohna chu LALPA hnenah hriat rengin awm se la; A nu sualna chu thai boin awm suh se.

¹⁵Chungte chu LALPA hmaah awm fo rawh se. Ani chuan anmahni hriat rengna chu lei ata a tihboral theihna'n.

¹⁶Ngilneihna lantir nachang a hriat loh a, Mirethei pachhia leh lungchhiate chu Tihhlum tuma a tihduhdah zawk avangin.

¹⁷A ni, mi anchhe lawh hi a duhzawng ani a, tichuan ama chungah alo thleng a; Mi malsawm hi alawmzawng a ni lo a, tichuan amah hlat daihah a awm a.

¹⁸Kawrfuala inthuam angin anchhe lawhnain a inthuam a, Chu chu a kawchhungahte chuan tui angin a lut a, A ruhahte chuan hriak angin a lut bawk a.

¹⁹Chu chu a tan a inbel thinna silhfen angin awm se la, A inhren fona kawnghren ni bawk rawh se.

²⁰Chung chu mi dotute leh ka nunna sawichhetute LALPA'n a thungrulhna a ni.

²¹Nimahsela, aw PATHIAN, Lalpa, nangin i hming avangin mi tihpui la, I ngilneihna a that avangn mi chhanhim ang che,

²²Rethei leh pachhe tak ka ni a, Ka thinlung hi ka kawchhungah hliamin a awm bawk si.

²³Hlim ral lam tung tawh ang hian ka ral a: Khaukhuap ang hian len boin ka awm a.

²⁴Ka khupte hi chaw nghei avangin a chak ta lo a; Ka tisa hian thau reng a pu ta lo.

²⁵Anmahni sawichhiat ka lo ni ta a: Mi hmuh veleh an lu an thing thin.

²⁶Aw LALPA, ka Pathian, mi tanpui la; Aw i ngilneihna avangin mi chhandam ang che:

²⁷Chu chu i kut ani tih an hriat theih a, LALPA, nangin i tih a ni tih an hriat theihna turin.

²⁸Annin anchhia lawh rawh se, nang erawh chuan malsawm zawk ang che: An thawh veleh an mualpho ang a, I chhiahhlawh erawh chu a hlim ang.

²⁹Mi dotute chu zahna puan sintirin awm se la, Kawr intuam angin anmahni mualphonain intuam rawh se.

³⁰Ka ka hian LALPA hnenah lawm thu nasa tak ka sawi ang: A ni, mipui zingah amah chu ka fak ang.Ani chu pachhe ding lamah a ding ang, A nunna rorelsaktute lak chhandam turin.

³¹Ani chu pachhe ding lamah a ding ang, A nunna rorelsaktute lak chhandam turin.