Read Baibul, Mizo Sam 115 Bible Online

Sam 115 - Baibul, Mizo bible

Sam 115

¹Aw LALPA, keini min pe loin, keimahni min pe loin, I hming chu ropuina pe zawk ang che, I ngilneihna leh i thutak avangin.

²Engati nge hnam tinin, "Khawiah nge an Pathian kha le?" an tih ni?

³Kan Pathian chu vanah a awm si a: A duh apiang a ti a ni.

⁴An milemte chu tangka leh rangkachak an ni a, Mihring kut chhuak an ni.

⁵Kate an nei a, ant awng thei si lo a; Mitte an nei a, an hmu thei si lo a;

⁶Bengte an nei a, an hre thei si lo a; Hnarte an nei a, rim an hre thei si lo a;

⁷Kutte an nei a, engmah an khawih thei si lo a; Kete an nei a, an kal thei si lo a; An hrawkin an tawng thei hek lo.

⁸Chung siamtute chu chungte ang chuan an awm ang; A ni, chung ringtu apiangte chu.

⁹Aw Israel-hote u, LALPA chu ring rawh u; Ani chu anmahni tanpuitu leh an phaw a ni.

¹⁰Aw Arona chhungte u, LALPA chu ring rawh u: Ani chu anmahni tanpuitu leh an phaw a ni.

¹¹LALPA tihtute u, LALPA chu ring rawh u: Ani chu anmahni tanpuitu leh an phaw a ni.

¹²LALPA chuan min hre reng a; mal min sawm ang: Israela chhungte ch mal a sawm ang a; Arona chhungte chu mal a sawm ang.

¹³LALPA tihtute chu mal a sawm ang, A lian a tein.

¹⁴LALPA chuan tipung deuh deuh che u rawh se, Nangmahni leh in fate nen.

¹⁵LALPA malsawm dawngtu in ni. Ani chu lei leh van siamtu a ni.

¹⁶Vante khi LALPA vante an ni a; Leilung erawh hi chu mihring fate a pe a ni.

¹⁷Mitthite chuan LALPA chu an fak lo a, Hmun reh taka chhukte reng reng chuan an fak hek lo;Keini erawh chuan LALPA chu kan fak tawh ang. Tun atanga, kumkhuain. LALPA chu fak rawh u.

¹⁸Keini erawh chuan LALPA chu kan fak tawh ang. Tun atanga, kumkhuain. LALPA chu fak rawh u.