Read Baibul, Mizo Sam 116 Bible Online

Sam 116 - Baibul, Mizo bible

Sam 116

¹LALPA chu ka hmangaih a ni, ka aw leh Khawngaih ka dilnate chu a ngaithlak avangin.

²Ka lama a beng a rawn dawh avangin Ka dam chhung zawngin amah chu ka ko ang.

³Thihna hruihrualte chuan mi zem a, Seol natnate chuan mi man a: Manganna leh lungngaihna ka lo tawk a.

⁴Chu veleh chuan LALPA hming chu ka lam a; "Aw LALPA, khawngaih takin ka nunna hi chhanhim ang che," tiin.

⁵LALPA chu mi khawngaih thei tak leh fel tak ani a; A ni, kan Pathian chu mi lainat thei tak a ni.

⁶LALPA chuan mi mawlte chu a humhim thin a: Tihhniamin ka awm a, ani chuan mi chhandam ta a.

⁷Aw ka nunna, i chawlhnaah chuan kir leh rawh; LALPA chuan i chungah tha takin a ti ta si a.

⁸Ka nunna hi thihna lakah, Ka mitte hi mittui lakah,

⁹Ka kete hi tlukna lakah i chhanhim si a. Mi nung ramah hian LALPA hmaah ka leng ang.

¹⁰Ka ring a, thu ka sawi dawn anih hi: Nasa taka tihhreawmin ka awm kha. Ka hamhaihin, "Mi zawng zawng dawt an ni," ka lo ti ta mai a.

¹¹Ka chunga a thiltih that zawng zawng avang hian LALPA chu eng nge ka pek ve thung ang?

¹²Chhandamna no ka la ang a, LALPA hming chu ka lam ang.

¹³Ka thutiamte chu LALPA lakah ka hlen ang, A ni, amite zawng zawng hmaah chuan.

¹⁴A mi thianghlimte thihna chu LALPA ngaih chuan hlu tak a ni.

¹⁵Aw LALPA, i chhiahhlawh ka ni takzet mai: I chhiahhlawh, i bawihnu fapa chu ka ni a; Mi phuarnate chu ka phelh ta a.

¹⁶Lawmthu sawi inthawinate chu ka hlan ang chia, LALPA hming chu ka lam ang.

¹⁷Ka thutiam chu LALPA lakah ka hlen ang. A ni, a mite zawng zawng hmaah chuan;LALPA biak in hung chhung kawtlaiah, Aw Jerusalem, i lai takah ka hlen ang. LALPA chu fak rawh u.

¹⁸LALPA biak in hung chhung kawtlaiah, Aw Jerusalem, i lai takah ka hlen ang. LALPA chu fak rawh u.