Read Baibul, Mizo Sam 118 Bible Online

Sam 118 - Baibul, Mizo bible

Sam 118

¹Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a.

²A ngilneihna chu kumkhuain a awm ang tih, Israel-hote chuan sawi rawh se.

³A ngilneihna chu kumkhuain a awm ang tih, Aron chhungte chuan sawi rawh se.

⁴A ngilneihna chu kumkhuain a awm ang tih, LALPA tihtute chuan sawi rawh se.

⁵Ka manganna atangin LALPA chu ka ki va: LALPA chuan mi chhang a, hmun thlawl takah mi rawmtir ta a.

⁶LALPA chu ka lama tang a ni; ka hlau lo ang: Mihringin eng nge mi tih theih ang?

⁷LALPA chu ka lama tang, mi tanpuitute zinga mi a ni: Chuvangin mi hawtute chungah ka thu duhsam chu ka hmu ang.

⁸Mihring rin ai chuan LALPA-a rinna nghah hi a tha zawk a ni.

⁹Mi liante rin ai chuan LALPA-a rinna nghah hi a tha zawk a ni.

¹⁰Hnam tinrengin mi hual vel a: Anni chu LALPA hmingin ka tiboral ang.

¹¹Anni chuan mi hual vel a; a ni, mi hual vel a: Anni chu LALPA hmingin ka tiboral ang.

¹²Khuaite angin mi hual vel a; hling alh angin tihmihin an awm: Anni chu LALPA hmingin ka tiboral ang.

¹³Ka tlukna turin mi chhun vak i tum zuau zuau a: Nimahsela LALPA chua nmi tanpui ta hlauh a.

¹⁴LALPA chu ka chakna leh ka hla a ni: Mi chhandamtu a lo ni ta bawk a.

¹⁵Lawmna leh chhandamna thawm chu mi felte puan inah a awm thin a:

¹⁶LALPA kut ding lam chu chawimawiin a awm thin a: LALPA kut ding lam chuan huai takin a ti thin.

¹⁷Ka thi lo ang, ka dam ang a, LALPA thiltihte chu ka hrattir zawk ang

¹⁸LALPA chuan nasa takin mi thunun a: Thihna hnenah erawh chuan mi pe em lo.

¹⁹Felna kulh kawngkharte hi mi hawnsak rawh u: Hengah hian ka lut ang a, LALPA hnenah lawm thu ka hril ang.

²⁰Hei hi LALPA kawngkhar a ni; Mi felte chu an lut ang.

²¹I hnenah lawm thu ka sawi nag, nangin mi chhangin, Mi chhandamtu i lo ni ta si a.

²²In satute lung duh loh kha A kila lung tangkai ber alo ni ta.

²³Chu chu LALPA tih a ni a; Kan mithmuhah a mak a ni.

²⁴Hei hi LALPA ni ruat chu ani a; He mi-ah hian kan hlimin kan lawm ang.

²⁵Aw LALPA, khawngaih takin chhandam la: Aw LALPA, khawngaih takin vanneihna rawn tir ang a.

²⁶LALPA hminga lo kal chu a eng a thawl e: LALPA in atang hian mal kan sawm che u a ni.

²⁷LALPA chu Pathian a ni, ani chuan eng min ep a: Inthawina tur ch hruihrualin thlung rawh u; maicham ki ngeiahte chuan.

²⁸Nang chu ka Pathian i ni a, lawmthu ka hrilh ang chia: Ka Pathian i ni a, ka chawimawi ang che.Aw, LALPA hnenah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.

²⁹Aw, LALPA hnenah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.