Read Baibul, Mizo Sam 135 Bible Online

Sam 135 - Baibul, Mizo bible

Sam 135

¹,2 LALPA chu fak rawh u. LALPA hming chu fak u la; Aw LALPA chhiahhlawh, LALPA ina dinga, kan Pathian in hung chhung kawtlaia dingte u, Amah chu fak rawh u.

²,1 LALPA chu fak rawh u. LALPA hming chu fak u la; Aw LALPA chhiahhlawh, LALPA ina dinga, kan Pathian in hung chhung kawtlaia dingte u, Amah chu fak rawh u.

³LALPA chu fak rawh u; LALPA chu a tha si a: A hming faki nzai rawh u; a nuam si a.

⁴LALPA chuan Jakob-ho hi ama tan a thlang si a, Israel-ho hi a ro bik atan a thlang bawk a.

⁵LALPA chu ropui tak ani tih leh, Kan LALPA chu Pathian zawng zawng aiin a chungnung a ni tih, ka hre si a.

⁶LALPA chuan a duh apiang chu a ti thin a, Vanah te, leiah te, tuifinriatah te, tui thuk tak zawng zawng ah te pawh.

⁷Ani chuan chhumte kawlkil atangte chuan a chhohtir thin a; Kawlphete ruah atan a siam thin a; A sum in atangte chuan thli ala chhuak thin.

⁸Ani chuan Aigupta rama fa tirte chu a tihlum a, Mihring leh sate pawh.

⁹Aw Aigupta ram, ani chuan chhinchhiahnate leh thilmakte i chhungah a rawn tir a, Pharaoa chungah leh a chhiahhlawh zawng zawng chungahte chuan.

¹⁰Ani chuan hnam tam tak a tihlum a, Lal ropui tak takte a that a;

¹¹Sihona, Amor-ho leal leh, Oga, Baan ram lal leh, Kanaan rama mi zawng zawng chu:

¹²An ram chu rochan atan a pe a, A mi Israel-ho rochan atan.

¹³Aw LALPA, i hming chu kumkhuain a awm ang a; Aw LALPA, nangmah hriatrengna chu chhuan awm zawng zawngin a awm bawk ang.

¹⁴LALPA chuan a mite chu ro a relsakin, A chhiahhlawhte chungthu-ah chuan a rilru a lamlet dawn si a.

¹⁵Hnam tin, milemte chu tangka leh rangkachak an ni a, Mihring kut chhuak an ni.

¹⁶Kate an nei a, an tawng thei si lo a; Mitte an nei a, an hmu thei si lo a;

¹⁷Bengte an nei a, an hre thei si lo a; An kaah chuan thaw reng reng a awm hek lo.

¹⁸Chung siamtute chu chungte ang chuan an awm ang; A ni, chung ringtu apiangte chu.

¹⁹Aw Israela chhungte u, LALPA chu fak rawh u: Aw Arona chhungte u, LALPA chu fak rawh u:

²⁰Aw Levia chhungte u, LALPA chu fak rawh u: LALPA tihtute u, LALPA chu fak rawh u.LALPA chu Zion atanga fakin awm rawh se, Jerusalem-a awma chu. LALPA chu fak rawh u.

²¹LALPA chu Zion atanga fakin awm rawh se, Jerusalem-a awma chu. LALPA chu fak rawh u.