Read Baibul, Mizo Sam 138 Bible Online

Sam 138 - Baibul, Mizo bible

Sam 138

¹I hnenah ka thinlung zawng zawngin lawm thu ka sawi ang a: Pathianho hmaah chuan nangmah fakin ka zai ang.

²I biak in thianghlim lam hawiin chibai ka bung ang chia, I ngilneihna leh i thutak avangin i hming ka fak ang; I thu chu i hming reng reng ai chuan i tilian si a.

³Ka auh ni che khan nangin mi chhang a, Ka nunna tichakin mi fuih a.

⁴Aw LALPA, leia lal zawng zawng chuan lawm thu an hrilh ang che, I kaa thu chhuakte chu an hre si a.

⁵A ni, LALPA awm dan thute chu hlaah an sa ang; LALPA ropuizia chu a nasa si a.

⁶LALPA chu chungnuung tak a ni na a, mi tlawmte chu a ngaihsak thin a: Mi chapote erawh chu hla tak atangin a hre thin.

⁷Manganna zingah leng mah i la nangin mi tiharh ang; Mi dotute thinur bei turin i kut i phar ang a, I kut dinglamin mi chhandam ang.LALPA chuan ka chungchanga a tih tur chu a hlen ang: Aw LALPA, i ngilneihna chu kumkhuain a awm ang a; Nangma kut thiltihte hi bansan suh ang che.

⁸LALPA chuan ka chungchanga a tih tur chu a hlen ang: Aw LALPA, i ngilneihna chu kumkhuain a awm ang a; Nangma kut thiltihte hi bansan suh ang che.