Read Baibul, Mizo Sam 139 Bible Online

Sam 139 - Baibul, Mizo bible

Sam 139

¹Aw LALPA, nangin ngun takin mi en chhuak a, mi hre ta.

²Nangin ka thut leh ka din hi i hre thin a, Ka ngaihtuahna hi hla tak atang pawhin i hre thiam thin.

³Ka kal leh ka mu hi mi en ngun thin a, Ka awm dan zawng zawng hi i hre vek a.

⁴Ngai teh, aw LALPA, nangin i hriat fai vek loh chu, Ka leiah hian thu reng reng a awm lo.

⁵Nangin ka hnung lam leh ka hma lamah min hual a, Ka chungah i kut i nghat bawk a.

⁶Chuti kauva hriatna chu ka tan a mak lutuk a; A sang em a, ka phak lo a ni.

⁷I thlarau hnen ata hi khawiah nge ka kal ang? I hma ata hi khawiah nge ka tlan bo ang?

⁸Vanah han lawn i la, chutah chuan i awm si a: Seol-ah mutna siam i la, ngai teh, chutah chuan i awm bawk si a.

⁹Zing thla zarin, Tuifinriat tawp daihah va awm i la;

¹⁰Chutah pawh chuan i kutin mi hruai ang a, I kut ding lamin mi chelh dawn si a.

¹¹Thimin min khuh bo tlat se, Ka vel eng hi zan thim ni se" ti mah i la;

¹²Thim pawhin i lakah chuan engmah a hliah lo a, Zan hi chhun angin a eng zawk a ni: I tan chuan thim leh eng hi thuhmun reng a ni.

¹³Nangmah ngeiin ka rilru i nei a: Ka nu pum chhungah mi khuh a.

¹⁴I hnenah lawm thu ka hrilh ang che; hlauhawm tak leh mak taka siam ka ni si a: I thiltihte hi mak tak a ni a; Chu chu ka nunna hian a hre chiang hle a ni.

¹⁵A ruka siama ka awm a, Lei hmun hnuaihnung bera mawi taka siama ka awm lai khan Ka ruhrel chu i lakah thupin a awm lo.

¹⁶Ka riruang la famkim lo chu i mitin a hmu a, I lehkhabuah chuan ka pengte zawng zawng hi ziak vek a ni a, A ni tela siamin a awm zel a, A pakhat mah la awm hmain,

¹⁷Aw Pathian, i ngaihtuahnate chu k tan a va hlu em! A infin khawm chu a va nasa em!

¹⁸Chhiar dawn i la, a tam lam chu tiau vaivut aiin a tam zawk ang: Ka han men chuan, i hnenah ka la awm cheu thin a ni.

¹⁹Aw Pathian, mi suaksualte chu i that ngei ang: Chutichuan, nangni thisen chhuah chak mite u, mi kalsan rawh u.

²⁰Anni chuan sual takin an sawichhe si chia, Nangmah dotute chuan i hming chu an sawi nawmnah thin.

²¹Aw LALPA, nangmah hawtute chu ka haw lo em ni? Nangmah beitute chungah chuan kalungni lo em ni?

²²Anni chu huat tak tein ka hua a: Mi dotu-ahte ka ruat hlawm a.

²³Aw Pathian, ngun takin min en chhuak la, ka thinlung hi hria ang che: Mi fiah la, ka ngaihtuahnate hi hria ang che:Tin, keimahah hian suahsualna kawng reng reng a awm nge awm lo en la, Chatuan kawngah chuan mi hruai ang che.

²⁴Tin, keimahah hian suahsualna kawng reng reng a awm nge awm lo en la, Chatuan kawngah chuan mi hruai ang che.