Read Baibul, Mizo Sam 14 Bible Online

Sam 14 - Baibul, Mizo bible

Sam 14

¹Mi a chuan, a rilruin, "Pathian reng a awm lo," a ti a. An chhe zo a, thil tenawm tak an ti a; Tumah thl tha ti reng an awm lo.

²Hre thiama, Pathian zawng reng reng An awm emaw," tiin, LALPA chuan van atangin mihring fate hi a zuk en a.

³A ni lo lamah an peng ta vek a; bawlhhlawh takin an lo awm ta hlawm a; Tumah thil tha ti reng an awm lo, pakhat te mah an awm lo.

⁴Thil tisualtute zawng zawng chuan hriatna reng reng an ei lo em ni? Chhang an ei angin ka mite an ei zo vek thin a, LALPA lah an ko ngai hek lo.

⁵Pathian chu mi fel thlahte zingah a awm thin avangin, An hlau em em ang.

⁶Mi rethei remruat chu in mualphosak thin, LALPA chu a inhumhimna a nih avangin.Israel-ho chhandamna chu Zion atangin lo chhuak teh se la aw! LALPA chuan amite sala an awm chu ahruai kir leh hunah, Chu mi hunah chuan Jakob-ho an hlim tawh ang a, Israel-ho an lawm tawh ang.

⁷Israel-ho chhandamna chu Zion atangin lo chhuak teh se la aw! LALPA chuan amite sala an awm chu ahruai kir leh hunah, Chu mi hunah chuan Jakob-ho an hlim tawh ang a, Israel-ho an lawm tawh ang.