Read Baibul, Mizo Sam 144 Bible Online

Sam 144 - Baibul, Mizo bible

Sam 144

¹LALPA ka lungpui chu fakin awm rawh se, Ani chuan ka kutte hi ral kah a zirtir thin a, Ka kut zungtangte hi bei turin a zirtir bawk thin:

²Ka ngilneihna leh ka kulhpui, Ka kulhbing sang leh mi chhanhimtu, Ka pawh leh ka rinna nghahna, Ka hnuaia ka mite tudawl thintu chu a ni.

³LALPA, mihring hi eng nge maw a nih a, i hriat thin ni? Mihring fapa pawh hi eng nge maw a nih a, i ngaihtuah thin ni?

⁴Mihring hi engmah lo mai ang a ni a: A dam chhung nite chu hlim ral thin ang hi a ni.

⁵Aw LALPA, i vante tikunin lo chhuk la: Tlangte chu khawih ang che, tichuan a khu chhuak ang.

⁶Kawl phettir la, anniho chu tidam ang che; I thalte chu kap chhuak la, tibuai nuai ang che.

⁷Chung lam atangin i kut rawn ban la; Mi chhan chhuak la, tui lian atate hi mi chhanhim ang che, Mikhualte kut ata hi;

⁸An ka chuan dawt a sawi a, Chhechham chung pawhin dawt an sawi.

⁹Aw Pathian, nangmah chawimawiin hla thar ka sa ang a: Perhkhuang hrui samw nei mi nen enangmah fakin ka zai ang.

¹⁰Amah chu a ni, lalho hnena chhandamna pe a, Khandaih mi tikhawlo thei laka a chhiahhlawh Davida chhanchhuaktu chu ni.

¹¹Mi chhanchhuak la, mikhualte kut ata mi chhanhim ang che. An ka chuan thu engmah lo mai mai an sawi thin a, An kut ding lam chu kut ding lam dik lo a ni.

¹²Thlai thang duang ang mai, Kan fapate thang duang se la; Kan fanute pawh lal in kil Lung chher mawi ang lo ni se;

¹³Kan buhzemte lo khatin Thil tinreng awm reiruiin, Kan beramte pawhin no sang tam tak, Sing tam tak kan phulahte hring se la,

¹⁴Kan bawngpaten phur thur thur se la, Kan ran rualte rawktu leh hruaibotu awm loin Kan kawtthlerahte mangang au thawm awm lo se la.A ni, LALPA Pathiana nei mite chu lawm takin an awm thin.

¹⁵A ni, LALPA Pathiana nei mite chu lawm takin an awm thin.