Read Baibul, Mizo Sam 145 Bible Online

Sam 145 - Baibul, Mizo bible

Sam 145

¹Aw Lalber, ka Pathian, ka chawimawi ang chia: I hming hi kumkhaw tlaitluanin ka fak ang.

²Ni tin, ka fak ang chia; I hming hi kumkhaw tlaitluanin ka fak ang.

³LALPA chu a ropui a, nasa taka fak tur a ni; A ropuizia chu chhui chhuah rual ani lo.

⁴Chhuan khatin chhuan dang hnenah i thiltihte chu an fak chhawng zel ang a. I thiltih ropi takte chu an hriattir ang.

⁵Nangmah chawimawina ropui tak leh, I thimak tihte chu ka ngaihtuah ang.

⁶Miten i thiltih rapthlak takte chakzia chu an sawi ang a; Kei pawhin i ropuizia ka hriattir bawk ang.

⁷I thatna ropui tak an hriat reng chu an sawi ang a, I felna thu hi hlim takin hlaah an sa ang.

⁸LALPA chu mi khawngaih thei, lainatnaa khat; Thinnel, ngilneihna nasa tak nei a ni.

⁹LALPA chu engkim chungah pawh a tha a ni; A lainatnate chu a thil siam zawng zawng chungah a awm a.

¹⁰Aw LALPA, i thilsiam zawng zawng chuan i hnenah lawm thu an hril ang a; Mi thianghlimte pawhin an fak ang che.

¹¹I ram ropuizia thu saiwin, I thiltihtheihna thu chu titiah an la hmang ang;

¹²Mihring fate hnanah a thiltih ropui takte leh, A ram mawina ropuizia hriattir turin.

¹³I ram chu chatuan ram tur a ni a, I thu neihna chu chhuan awm chhung zawng zawgin a awm reng ang.

¹⁴LALPA chuan tlute zawng zawng ch a chelh reng thin a, Kun ngawih ngawiha awm zawng zawngte chu a kaitho thin.

¹⁵I thil siam zawng zawng mitte chuan an nghak thin che a ni; Nangin a hun takah an chaw i pe thin.

¹⁶I kut i phar a, Thil nung zawng zawng chakna chu i tihrehsak thin.

¹⁷LALPA chu a awm dan zawng zawngah a felin, A thiltih zawng zawngah mi khawngaih thei tak a ni thin.

¹⁸LALPA chuan akotu zawng zawngte chu a hnaih thin a. Tih tak zeta amah kotu zawng zawngte chu.

¹⁹Amah tihtute duh chu a hlawhtlintir ang a; An au thawm a hria ang a, anni chu a chhandam ang.

²⁰LALPA chuan amah hmangaihtute zawng zawng chu a vawng tha thin a; Mi suaksual erawh chu a tiboral vek ang;Ka ka hian LALPA fakna thu a sawi ang; Tin, tisa zawng zawng hian a hming thianghlim chu kumkhaw tlaitluanin fak rawh se.

²¹Ka ka hian LALPA fakna thu a sawi ang; Tin, tisa zawng zawng hian a hming thianghlim chu kumkhaw tlaitluanin fak rawh se.