Read Baibul, Mizo Sam 146 Bible Online

Sam 146 - Baibul, Mizo bible

Sam 146

¹LALPA chu fak rawh u. Aw ka nunna, LALPA chu fak rawh.

²Ka dam chhung zawngin LALPA chu ka fak ang a: Ka nun chhung zawngin ka Pathian fakin ka zai ang.

³Mi liante chu ring suh u la, Mihring fapa, tanpuina reng reng awm lohna chu, ring hek suh u.

⁴A thawin a chauhsan a, ani chu a leilungah a kir leh a; Chu mi ni ngei chuan a ngaihtuahnate chu a bo nghal a ni.

⁵Jakoba Pathian tanpuitua nei chu, lawm takin a awm thin, LALPA Pathiana beiseina neitu chu:

⁶Ani chu lei te, van te, Tuifinriatte leh an chhunga awm zawng zawng siamtu a ni; Ani chuan thutak kumkhua atan a vawng tha thin a;

⁷Ani chuan hnehchhiahna tuarte tan ro a rel thin a; Ani chuan riltamte hnenah chaw a pe thin: LALPA chuan mi tangte a chhuah thin a;

⁸LALPA chuan mitdelte mit a tizvar thin a; LALPA chuan kun ngawih ngawihte chu a kai tho thin a; LALPA chuan mi felte chu a hmangaih thin a;

⁹LALPA chuan mikhualte chu a vawng tha thin a; Pa nei lo leh hmeithai chu a chelh reng thin a; Mi suaksualte kawng erawh chu a tiletling thin.

¹⁰LALPA chu kumkhuain lalah a thu ang, Aw Zion, i Pathian chu chuan zawng zawng thlengin lalah a thu ang.LALPA chu fak rawh u.

¹¹LALPA chu fak rawh u.