Read Baibul, Mizo Sam 147 Bible Online

Sam 147 - Baibul, Mizo bible

Sam 147

¹LALPA chu fak rawh u; Kan Pathian faka zai hi a tha si a;

²Chu chu a nuamin, fak hi a awm reng a ni. LALPA chuan Jerusalem chu a din leh a; Israel hnawh chhuahhote chu a hruai khawm leh a.

³Lungchhiate chu a tidam a, An hliamnate chu a tuam thin a.

⁴Arsi tam chin a chhiar a; An hming a vuah theuh hlawm thin a.

⁵Kan Lalpa chu a ropui a, thiltihtheih lamah pawh chak tak ani a; A finna chuan tawpintai a nei lo.

⁶LALPA chuan thuhnuairawlhte chu a chelh reng a: Mi suaksualte chu leiah a titlawm thin.

⁷Lawm thu sawia LALPA chawimawiin hla sa u la; tingtang nen kan Pathian fakin zai rawh u.

⁸Ani chuan van khi chhum a zam hliahtir a, Leilung atan ruah a buatsaih a, Tlangahte chuan hlobet a totir thin a.

⁹Ani chuan sa hnenah a ei tur a pe thin, Choak no hram hramte hnenah nen.

¹⁰Ani chu sakawr chakna chungah chuan a lawm lo va: Mihring ke chungahte pawh lawmna reng reng a nei thin lo.

¹¹LALPA chuan amah tihtute chungah chuan lawmna a nei thin, A ngilneihna beiseitute chungah chuan.

¹²Aw Jerusalem, LALPA chu fak rawh; Aw Zion, i Pathian chu fak rawh.

¹³Ani chuan i kulh kawngkharte kalhna thing tlawnte a tikhauh a; I chhunga i fanau awmte chu mal a sawm si a.

¹⁴I ramri chhungah chuan remna a siam a; Buh tha ber chiin a tikhat thin che a ni.

¹⁵A thupek chu leiah hian a tir chhuak a; A thu chu chak takin a tlan thin.

¹⁶Vur sur chu beram hmul angin a pe a; Vur tla chu vut angin a theh darh thin.

¹⁷A tui khal chu chhang them nawi angin a paih chhuak thin a: Ama vawhna hmaah chuan tu nge ding thei ang?

¹⁸A thu chu a tir chhuak a, chung chu a titui a: A thli a tlehtir a, chutichuan tuite chu a lo luang thin.

¹⁹A thu chu Jakob-ho hnenah a lantir a, A thuruatte leh a rorelte pawh chu Israel-ho hnenah a lantir thin.Ani chuan eng hnam chungah mah chutiang chuan a ti ngai lo: A rorel lah chu an hre hek lo. LALPA chu fak rawh u.

²⁰Ani chuan eng hnam chungah mah chutiang chuan a ti ngai lo: A rorel lah chu an hre hek lo. LALPA chu fak rawh u.