Read Baibul, Mizo Sam 148 Bible Online

Sam 148 - Baibul, Mizo bible

Sam 148

¹LALPA chu fak rawh u. Van atangte khian LALPA fak u la: Chung lamahte khian amah chu fak rawh u.

²A vantirhkoh zawng zawngte u, amah chu fak u la: A sipaiho zawng zawngte u, amah chu fak rawh u.

³Ni leh thlate u, amah chu fak u la: Arsi engho zawng zawngte u, amah chu fak rawh u.

⁴Van sangte u, amah chu fak u la, Van chunga tui awmte u, amah chu fak ve rawh u.

⁵Chungho chuan LALPA hming chu fak rawh se: Ani chuan thu a pe a, siamin an lo awm ta si a.

⁶Ani chuan chungho chu kumkhaw tlaitluan atan a tinghet a: Thu, boral lo tur chu, a ruat a.

⁷Lei atang hian, Nangni drakonte leh tui thuk zawng zawngte u:

⁸Mei leh rial te, vur sur leh chhumte u; A thu zawm thin thlipuite u:

⁹Tlang lian leh tlang te zawng zawngte u; Thing rah duhte leh sidar thing zawng zawngte u:

¹⁰Ram sate leh ran zawng zawngte u; Rannungte leh chungleng savate u:

¹¹Leia lalte leh mi tinrengte u; Mi liante leh leia roreltu zawng zawngte u:

¹²Nula leh tlangvalte, Putar leh naupangte u, LALPA chu fak rawh u:

¹³Chungho chuan LALPA hming chu fak rawh se; A hming chauh chu chawisanin a awm si a: A ropuina chuan lei leh van a khum daih a.A mite ki chu a chawimawi bawk a, A mi thianghlim zawng zawng fakna chu; Israel fa, a kianga mite fakna chu, LALPA chu fak rawh u.

¹⁴A mite ki chu a chawimawi bawk a, A mi thianghlim zawng zawng fakna chu; Israel fa, a kianga mite fakna chu, LALPA chu fak rawh u.