Read Baibul, Mizo Sam 19 Bible Online

Sam 19 - Baibul, Mizo bible

Sam 19

¹Vante khian Pathian ropuizia chu a hriattir a; Boruak zau tak khian akut chhuak chu alantir thin a.

²Chhun hian chhun hnena thu a sawi chhawng zel a, Zan hian zan hnenah hriatna a lan chhawntir zel a,

³Thu sawi reng reng leh tawng reng reng a awm lo a; An aw chu benga hriat theih a ni lo.

⁴An tehna hrui chu leilung luah zawng zawngah zam chhuahin a awm a; An thu chu kawlkil thelngin a thang chhuak ta a. Chungahte chuan ni tan khian puan in a zar a,

⁵Chu ni chu mo neitu tur a pindan ata chhuak ang chu a ni a, Mi chak tak angin a tlanna kawng a tlan tur chu a hlim thin.

⁶A chhuahna chu kawl kil tawp atangin a ni a, A tlan kualna chu a tawp lehlam thlengin a ni a, A lum hre loa thuhruk reng reng a awm lo.

⁷LALPA dan chu a tha famkim a, nunna suam tha thin: LALPA thuhriattir chu a rinawm a, mi mawl a tifing thin;

⁸LALPA thunnunna thu chu a dik a, thinlung a tilian thin: LALPA thupek chu a thianghlim a, mitte a tivar thin.

⁹LALPA tihna chu a fai a, kumkhua atan a awm thin: LALPA rorelnate chu a tak a, a fel vel vek a ni.

¹⁰Chung chu rangkachak aia duhawm zawk a ni a, a ni, rangkachak thianghlim tam tak ai pawhin: Khawizu leh khawithlar aiin a thlum zawk bawk a ni

¹¹Chu lo pawh chu chung chuan i chhiahhlawh hi zilhin ka awm thin a: Chung amw chu lawmman nasa tka neihna a ni thin.

¹²Tuin nge mahni tihsualte hre thei ang? Sual inthupte lakah hian mi tifihlim ang che.

¹³Thil tisual lui lo turin i chhiahhlawh hi mi chelh tlat la; Ka chungah thu neihtir suh ang che: chutichuan tha famkimin ka awm ang a, Bawhchhiatna nasa tak lakah saiwselboin ka awm ang.Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mithmuhah lawmtlak takin awm rawh se.

¹⁴Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mithmuhah lawmtlak takin awm rawh se.