Read Baibul, Mizo Sam 2 Bible Online

Sam 2 - Baibul, Mizo bible

Sam 2

¹Hnam tin chu engati nge an thinur a, Mi tinin engati nge thil sawt lo an ngaihtuah?

²Leia lalte an hel a, Hotute pawhin LALPA leh a hriak thiha chu An phiar hlawm a,

³An phuarnate hi tichatin An hruihrualte hi kan hnen ata i paih daih ang u," tiin.

⁴Vana thua chu a nui ang a: Lalpa chuan anniho chu a nuihzabur ang.

⁵Chumi hunah chuan thinurin an hnenah thu a sawi ang a, Thinrim takin anmahni a timangang tawh ang:

⁶Keimah ngeiin ka tlang thianghlim Zionah chuan, Ka lal siam chu ka thuttir ta a ni," a ti a.

⁷Thuruat chu ka hril dawn: LALPA'n ka hnenah, "Nang zawng ka fapa i ni e; Vawiin hian ka hring che a ni.

⁸Mi dil rawh, tichuan i rochan atan hnam tin ka pe ang chia, Kawlkil tawp thlengin i ro atan ka pe bawk ang che.

⁹Anni chu thir tiangin i tikeh ang a; Belvawtu bel an paih keh sawm ang hian i paih keh sawm ang," a ti a.

¹⁰Chutichuan, aw lalte u, fing tawh u la, Leia roreltute u, thununi awm tawh rawh u.

¹¹Tih chungin LALPA rawng bawl u la, Khur chungin lawm rawh u.Fapa chu fawp rawh u, chutilochuan a thinur ang a, kawng lakah in boral dah ang em, A thin chu a thawk thuai dawn si a. Amaha an rinna nghat zawng zawngte chu an eng a thawl e.

¹²Fapa chu fawp rawh u, chutilochuan a thinur ang a, kawng lakah in boral dah ang em, A thin chu a thawk thuai dawn si a. Amaha an rinna nghat zawng zawngte chu an eng a thawl e.