Read Baibul, Mizo Sam 21 Bible Online

Sam 21 - Baibul, Mizo bible

Sam 21

¹Aw LALPA, lal chu i chaknaah hian ahlim ang a, I chhandamnaah hian a va hlim nasa dawn em!

²A thinlung duhzawng chu i pe a, A hmuia a thil dil chu i phal lo lo e. (Selah)

³Thatnaa malsawmnate in i hmuak si a: Rangkachak thinghlim lallukhum i khumtir a.

⁴Ani chuan nunna a dil chia, i lo pe a; Kumkhaw tlaitluana dam rengna chu.

⁵I tanpui avangin a ropui em em a: Chawimawina leh ropuina a chungah i nghat thin a.

⁶Kumkhua atan malsawmna nasa tak dawngin i siam si a: I hmaa hlimnain i tilawm thin.

⁷Lal chuan LALPA chu a ring si a, Chungnungbera ngilneihna avnaign a nghing lo ang.

⁸I kutin nangmah dotute zawng zawng chu a zawng chhuak vek ang a: I kut dinglamin nangmah hawtute a zawng chhuak ang.

⁹I thinur hunah chuan anni chu rawhtuina mei alh hluah hluah angin i siam ang. LALPA chuan ani chu thinurin a lem zo ang a, Mei chuan a kang ral mai ang.

¹⁰An rahte chu lei ata i tiboral ang a, An thlahte chu mihring fate zing ata i tiboral bawk ang.

¹¹I chungah khan thil sual tih an tum si a; Thil sual an ngaihtuah chhuak a, an hlen thei si lo.

¹²Nangin anni chu i hnunghchawntir dawn si a, I thla hruite chu an hmai tinin i kuai peih diam ang.Aw LALPA, i chaknaah chuan chawimawiin lo awm ang che: Chutichuan i thiltihtheihna fakin hla kan sa ang.

¹³Aw LALPA, i chaknaah chuan chawimawiin lo awm ang che: Chutichuan i thiltihtheihna fakin hla kan sa ang.