Read Baibul, Mizo Sam 22 Bible Online

Sam 22 - Baibul, Mizo bible

Sam 22

¹Ka Pathian, ka Pathian, engah nge mi kalsan? Engah nge mi tanpi turin i hlat em a, ka rumna thute atanga i hlat le?

²Aw ka Pathian, chhunah ka au a, nimahsela i chhang si lo a; Zanah ka au bawk a, ka ngawi chuang lo.

³Nimahsela, aw nang Israel-ho faknaa cheng htin, Nang zang i thianghlim a ni.

⁴Min thlahtute chuan an lo ring chai: An ring a, tichuan nangin i lo chhanhim thin.

⁵An au chia, tichuan chhanhimin an lo awm thin a: An ring chia, tichuan mualphoin an awm ngai lo.

⁶Kei erawh chu mihring reng reng ka ni lo a, changpat mai ka ni a; Mihringte sawichhiat leh mite hmusit ka ni.

⁷Mi hmu apiangin mi nuihsan a: An hmui an kum a, an lu an thing a,

⁸LALPA chungah innghat ta che, ani chuan maah hi chhanhim ang hmiang: A chunga a lawm avangin chhanhi ang hmiang," an ti a.

⁹Nang erawh chu chhul ata mi la chhuaktu chu i ni a: Ka nu hnute chunga ka awm lai khan nangin mi rintir a.

¹⁰Chhul atang rengin nangma chunga nghah ka ni a: Nang chu ka nu pum chung atang rengin Pathian i ni.

¹¹Mi hlat lul suh ang che: manganna tur a hnai si a; Tanpuitu tur reng reng an awm si lo.

¹²Bawngpa tam takin mi hual vel a. Bansan rama bawngpa chak takate chuan mi hual vek khup a.

¹³Sakeibaknei koham hahum hamng angin An kain mi an khum a.

¹⁴Tui anga leihbuakin ka awm a. Ka ruh zawng zawng pawh pelhsawlhin a awm a: Ka thinlung hi khawihnun ang a ni a; Ka ril zingahte hian a tui zo ta a.

¹⁵Ka tha hi lampei angin a ro zo a; Ka lei pawh hi ka dangah a bet ta tlat a; Nangin thihna vaivutah hian mi hruai lut ta ani hi.

¹⁶Ui chuan mi hual vel si a: Thil tha lo titu awm khawmte chuan mi hual tlat a; Ka kut leh ka kete hi a tipawp a.

¹⁷Ka ruh zang zang hi ka chhiar thei a; Anni lah chuan mi enin mi melh reng a:

¹⁸Ka silhfente an insem a, Ka kawr atan thum an vawr a,

¹⁹Nang erawh chuan, aw LALPA, mi hlat lul suh la: Aw, mi tichaktu, mi tanpui turin hmanhmawh ang che.

²⁰Ka nunna hi khandaih lakah chuan chhanhim la; Ka neih chhun tak hi ui thiltihtheihna lakah chuan chhanhim ang che.

²¹Sakeibaknei kaa mi chu mi chhandam ang che; A ni, selepa kia mi chu nangin mi chhang ta,

²²Ka unaute hnenah i hming ka hril ang a: Inkhawmho zingahte chuan ka fak ang che.

²³LALPA tihtute u, amah chu fak rawh u; Jakoba thlah zawng zawngte u, amah chu chawimawi rawh u; Israela thlah zawng zawngte u,m amah chu hlau rawh u.

²⁴Ani chuan hreawm tuartu hreawmzia chu ahmusit si lo a, a ten hek lo; A hmai chu alakah a thup hek lo; Amah a auhin a NGAITHLA ZAWK A.

²⁵Inkhawmna ropui taka ka fak thinna che hi nangma hnena mi a ni: Amah tihtute hmaah chuan ka thutiam ka hlen ang.

²⁶Thuhnuairawlthe chuan an ei ang a, an tlai ang: Amah zawngteute chuan LALPA chu an fak ang: In thinlung chu kumkhuain nungin awm rawh se.

²⁷Kawlkila mi zawng zawng pawhin an hre leh ang, LALPA lam an hawi tawh ang a: Hnam tina chi tin, i hmaah an kun ang.

²⁸Ram chu LALPA ta a ni a: Hnam tin chunga roreltu a ni si a.

²⁹Leia mi neinung zawng zawngte chuan an eiin chibai an buk ang a: Vaivuta chhuk tur zawng zawngte chu ahmaah an la kun ang, Mahni nunna tinung reng thi lo chu.

³⁰Thangtharten a rawng an bawl ang a; Thangthar lo awm zelte hnenah chuan LALPA chanchin chu an hril ang.LALPA'n a mite a chhanhim,' tiin La piang turte an hrilh ang.

³¹LALPA'n a mite a chhanhim,' tiin La piang turte an hrilh ang.