Read Baibul, Mizo Sam 24 Bible Online

Sam 24 - Baibul, Mizo bible

Sam 24

¹Leilung leh a chhunga thil awm zawng zawng hi LALPA ta ani a; Khawvel leh a chhunga chengte nen hian.

²Tuifinriat chungahte amahin a din a ni si a, Luipui chungahte pawh atinghet bawk a.

³LALPA tlangah tu nge chho ang a, A hmun thianghlimah tu nge ding ang?

⁴Kut fai leh thinlung thianghlim nei a, A rilru engmah lo mai mai lama dah ngai lo a, Bum tuma chhechham ngai lo mi chu.

⁵Ani chuan LALPA hnen ata malsawmna a dawng ang a, A chhandamtu Pathian hnen ata felna a dawng bawk ang.

⁶Pathian zawngtute chu chutiang mi chu an ni, Aw Jakoba Pathian, i hmel zawngtute chu,(Selah)

⁷Aw kulh kawngkate u, in lu chungte kha chawi sang u la; Nangni kawngkhar hlunte u, inkhai sang rawh u: Tichuan ropuina Lal hi a lo lut dawn nia. Ropuina lal chu tu nge ni? LALPA chak tak leh thiltithei tak, LALPA, indonaa thiltithei tak chu a ni.

⁸Aw kulh kawngkate u, in lu chungte kha chawi sang u la, A ni, kawngkhar hlunte u, chawisang rawh u: Tichuan ropuina Lal hi a lo lut dawn nia.Chu ropuina Lal chu tu nge ni? Sipaihote LALPA chu, Amah ngei hi ropuina Lal chu a ni. (Selah)

⁹Chu ropuina Lal chu tu nge ni? Sipaihote LALPA chu, Amah ngei hi ropuina Lal chu a ni. (Selah)