Read Baibul, Mizo Sam 27 Bible Online

Sam 27 - Baibul, Mizo bible

Sam 27

¹LALPA chu ka eng leh mi chhandamtu a ni; tu nge ka tih ang? LALPA chu ka nuna kulhbing a ni; tu nge ka hlauh vang?

²thil tha lo tiho, mi dotute leh ka hmelmate chuan, ka sa ei tuma mi bei lai khan, An inchhuih a, an tlu ta hlawm a.

³Sipai pawlhoin mi bei tumin mi ep reng mah se la, Ka thinlung hian a hlau lo ang: Ka chungah indona lo chhuak mah se la, Chuti pawhin ka ring tlat ang.

⁴LALPA hnenah thil pakhat ka dil a, chu mawlh chu ka zawng ang; LALPA mawizia hmu tur leh, a biak ina thu zawt turin Ka dam chhung zanga LALPA ina ka awm reng theihna tur chu.

⁵Mangan ni chuan a bukteah mi dah ru dawn si a, A humhimna puan inah chuan mi thukru ang a: Lungpui chungah mi hlang kai ang.

⁶Tunah hchuan mi do ta, mi hual veltute chung lamah ka lu hi chawikanin a awm ang; Tichuan a puan inah chuan hlimna inthawinate ka hlan ang a; Ka zai ang, a ni, LALPA fakin ka zai ang.

⁷Aw LALPA, ka awa ka auh che chuan ngaithla ang che: Mi khawngaih la, mi chhang bawk ang che.

⁸Ka hmel zawng rawh u," tia i sawi lai khan; ka thinlung chuan i hnenah, "LALPA, i hmel ka zawng ang," a ti a.

⁹Ka lakah hian i hmai thup suh la; I chhiahhlawh hi thinurin tibo suh ang che: Nang chu mi tanpuitu i ni thin a; Aw mi chhandamtu Pathian, mi paih thla suh la, mi kalsan lul suh ang che.

¹⁰Ka nu leh ka pa chuan mi kalsan ta si a, Nimahsela LALPA chuan mi la pawm ang.

¹¹Aw LALPA, i kawng chu mi entir la; Ka hmelmate avang hian Kalkawng phei takah mi hruai ang che.

¹²Mi dotute duh duha tihah mi pe lul suh ang che: Hretu derten mi bei a, nunchhiat thu chhak chhuak thintute chuan.

¹³Mi nung ramah hian LALPA thatna hmuh inring suh i la chuan ka chauh tawh tur a ni.LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.

¹⁴LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.