Read Baibul, Mizo Sam 28 Bible Online

Sam 28 - Baibul, Mizo bible

Sam 28

¹Aw LALPA, ka koh dawn che hi; Ka lungpui, ka lakah i beng chhu ngawng suh ang che: Chutilo zawng, nangin mi ngawihsan chuan, Khuakhurruma chhukte ang maiin ka lo awm dah ang e.

²Ka auh chea ka kutte hi i biakna hmun thianghlim lama ka phar chuan, Khawngaiha ka dilna awte hi ngaithla ang che.

³Mi suaksualte zingah leh thil tisualtute zingah chuan Mi hnuk bo tel suh ang che: Chunghote chuan an vengte hnenah remna thu an sawi thin a, Nimahsela an thinlungahte chuan thil tihsualna a awm reng si a.

⁴An thiltih ang zel leh, an thiltihte a sualzia ang zelin rul la; An kuta na thawh ang zelin rul la; An sual man hmuhtir ang che.

⁵LALPA hnathawhte leh A kuta a thiltih chu an ngaihsak loh avangin Ani chuan anniho chu siam tha loin a tichhia ang.

⁶Khawngaih ka dilna awte hi a ngaihthlak avangin LALPA chu fakin awm rawh se.

⁷LALPA chu ka chakna leh ka phaw a ni a Ka thinlung hian mah chu a ring a, tichuan puihin ka awm a; Chuvangin ka thinlung hi nasa takin a hlim a; Ka hlain amah ka fak a.

⁸LALPA chu an chakna ani a, A hriak thiha tan chuan chhandamna kulhbing a ni.I mite chhandam la, i rochan chu malsawm ang che: Anniho chu chawm la, kumkhuain pawm ang che.

⁹I mite chhandam la, i rochan chu malsawm ang che: Anniho chu chawm la, kumkhuain pawm ang che.