Read Baibul, Mizo Sam 29 Bible Online

Sam 29 - Baibul, Mizo bible

Sam 29

¹Aw mi thiltithei tak fate u, LALPA hnenah pe u la; LALPA hnenah chuan ropuina leh chakna pe rawh u.

²LALPA hnenah a hming ropuina chu pe u la; Thianghlim mawina inbelin LALPA chu chibai buk rawh u.

³LALPA aw chu tui chungahte chuan a ri a: Ropuina Pathian chu a lo ri dur dur a, Lalpa ngei chu tui tam tak chungahte a lo ri a.

⁴LALPA aw chu thiltithei tak a ni a; LALPA aw chu ropui ta a ni.

⁵LALPA aw chuan sidar thingte chu a titliak ang a; A ni, LALPA chuan Lebanon tlanga sidar thingte chu a titliak seng sung thin.

⁶Bawng no tualchai angin a chettir thin a; Lebanon leh Sirion tlange chu sele no ang maiin.

⁷LALPA aw chuan meialhte a phel thin.

⁸LALPA aw chuan thlaler a nghawr nghing a; LALPA chuan Kadesh thlaler chu a tinghing thin.

⁹LALPA aw chuan zukpuite chu no a chhiattir a, Ngawpui thin ghnahte chu a nuai kawlh vek thin a: A biak inah chuan thlengkimin, "A ropui e," an ti theuh thin.

¹⁰LALPA chu Tuilet lai khan lalah a thu a, A ni, LALPA chu kumkhua atan lalah a thu a ni.LALPA chuan a mite hnenah chakna a pe ang a, LALPA chuan a mite chu thlamuannain mal a sawm ang.

¹¹LALPA chuan a mite hnenah chakna a pe ang a, LALPA chuan a mite chu thlamuannain mal a sawm ang.