Read Baibul, Mizo Sam 30 Bible Online

Sam 30 - Baibul, Mizo bible

Sam 30

¹Aw LALPA, ka chawimawi ang che; nangin mi kai chhuak a, Mi dotuet chu mi diriamtir loh avangin.

²Aw LALPA ka Pathian, Ka au chia, nangin mi tidam ta a.

³Aw LALPA nangin ka nunna hi Seol ata chu i hruai chhuak a; Khuarkhuruma ka chhuk lohna turin nangin mi hum nung zel a.

⁴Aw, a mi thianghlimte u, LALPA fakin zai u la, A hming thianghlim chu fak rawh u.

⁵A thinur chu mit khapkar chauh ani si a; A duhsaknaah chuan nunna a awm thin. Tahna hi riak turin tlai lamah a lo lut thei a, Zingah erawh chuan hlimna a lo thleng thin.

⁶Kei zawngin ka nun khawnawm lai chuan, "Engtikah mah ka nghing lo ang," ka ti a.

⁷LALPA, nangin i duhskna avangin ka tlang chu i lo din nghehtir tawh a: Nimahsela i hmai i thup a, ka lo mangan tak kha.

⁸Aw LALPA, nang ka au chia; LALPA hnen ngeiah chuan khawngaihna ka dil kha;

⁹Thi i la, leilawtah chhuk i la, i tan hlawkna eng nge awm? Vaivutin a fak dawn che em ni?

¹⁰Aw LALPA, ngaithla la, mi khawngaih ang che: LALPA, nang mi tanpuitu ni ang che.

¹¹Ka mitthi ngaihna chu ka tan lamnaah i chantir a; Ka saiip puan chu mi hlihsak a, hlimnain ka taiah mi hreng ta a:Ka ropuina hi, ngawi reng lo a, nangmah faka a zaina turin. Aw LALPA ka Pathian, kumkhuain lawm thu ka hrilh fo ang che.

¹²Ka ropuina hi, ngawi reng lo a, nangmah faka a zaina turin. Aw LALPA ka Pathian, kumkhuain lawm thu ka hrilh fo ang che.