Read Baibul, Mizo Sam 31 Bible Online

Sam 31 - Baibul, Mizo bible

Sam 31

¹Aw LALPA, nangmahah chuan ka rinna ka nghat thin a; Engtikah mah mualphovn mi awmtir suh la; I felna avangin mi chhanhim ang che.

²Ka lamah hian i beng rawn dawh la; Ka lamah hian i beng rawn dawh la; mi chhanhim thuai la: Ka tan lungpui nghet tak, mi chhandamna tura humhimna in, lo ni ang che.

³Nang chu ka lungpui leh ka kulhpui i ni si a; Chuvang chuan i hming avangin mi hruaiin mi kai ang che.

⁴Ka awhna'n a ruka len an phah lakah hian mi hnuk chhuak ang che; Nang chu ka kulhbing i ni si a.

⁵I kutah ka thlarau ka kawltir e: Aw LALPA, thutak Pathian, nangin mi tlan ta.

⁶Thil engmah lawilo mai maite ngaihsakho chu ka hua a; Kei erawh zawngin LALPA ka ring a ni.

⁷I ngilneihna avang hian ka hlimin ka lawm ang: Ka manganna hi i hmu si thin a; Ka nunna hi a hrehawm laite pawhin i hre thin.

⁸Tin, mi dotu kutah nangin mi khung lo a; Ka ke hi hmun thawl takah i nghat ta zawk a.

⁹Aw LALPA, mi khawngaih ang che, mangangin ka awm si a: Ka mit hi lungngaihna avangin a rawp telh telh a, a ni, ka nunna leh ka taksa lamin.

¹⁰Ka dam chhung hi lungngaiin a ral ta si a, ka kumte hi rumin a ral ta bawk a ni: Ka khawlohna avangin ka tha a thum a, ka ruhte pawh a rawp zo ta a.

¹¹Mi dotute avangin ka hming hi alo chhe ta a, A ni, ka vengte lakah nasa takin a chhe ta a ni, ka hmelhraitte tan pawh hlauhawm tak ka ni ta a: Kawtlaia mi hmuate lah khan mi tlansan ta si a.

¹²Mitthi an theihnghilh ang takin theihnghilhin ka awm a: Bel keh ang mai ka ni ta.

¹³Mi tam tak mi hekna ka hre si a, Ka vela hlauhawm vawm chu; Mi phair ho lai khan. Ka nun mi laksak an tum a.

¹⁴Nimahsela, aw LALPA, ka ring chia: "Ka Pathian i ni," ka ti a.

¹⁵Ka hunte chu i kutah a awm a: Mi dotute kut ata leh, mi tiduhdahtute lakah hian mi chhanhim ang che.

¹⁶I hmelin i chhiahhlawh hi han chhun eng la: I ngilneihna avangin mi chhandam ang che.

¹⁷Aw LALPA, mualphoin mi awmtir suh ang che; ka ko si chia: Mi suaksualte chu mualphoin awm se la, Seol-ah ngawi rengin awm rawh se.

¹⁸Hmui dawtheite chu tawng thei loin Chungte chuan chapo leh hmusi chungin Tawng chaltlai takin mi fel an sawi chhe thin.

¹⁹Aw, i thatna, nangmah tihtut tana i khawl khawm chu, a va ropi em! Mihring fate mithmuha nangmaha rinna nghatte tana i tihsak chu.

²⁰Anni chu mihring phiarna lakah chuan i humhimna mithmuhah i thukru ang a: Lei hnialhratna lakah chuan bukteah i dah ru ang.

²¹LALPA chu fakin awm rawh se: A ngilneihzia mak tak chu khawpui nghet takah mi hmuhtir si a.

²²Kei lah chuan, ka hamhaihin, "I mithmuh ata paih boin ka awm ta," ka lo ti ta mai a: Nimahsela ka auh che khan khawngaih ka dilna awte kha i lo hre si a.

²³Aw, a mi thianghlim zawng zawngte u, LALPA chu hmangaih rawh u: LALPA chuan mi rinawm chu a humhim a, Chapo taka titu chu nasa takin a rul thin.LALPA beisei zawng zawngte u, Chak takin awm u la, in thunlung chu intihuai rawh se.

²⁴LALPA beisei zawng zawngte u, Chak takin awm u la, in thunlung chu intihuai rawh se.