Read Baibul, Mizo Sam 32 Bible Online

Sam 32 - Baibul, Mizo bible

Sam 32

¹A bawhchhiatna ngaihdama awm a, a sualna hliahkhuha awm chu, a eng a thawl e.

²Mi, LALPA'n khawlohna neia a ruat loh a, A thlarauva tihderna reng reng awm loa chu, a eng a thawl e.

³Ka ngawih reng lai khan, nilenga ka rum thina lamah ka ruhte hi a chang zo vek a ni.

⁴Achhun azanin i kutin mi delh si a: Ka taksa hnawnna pawh, thal rumin thil a tidanglam angin, alo danglam tak hial kha. (Selah)

⁵Ka sualna chu i hnenah ka puang a, Ka khawlohna chu ka zep ta lo va: "Ka bawhchhiatna chu LALPA hnenah thupha ka chawi tawh ang," ka ti a; Tichuan ka sual khawlohna chu i lo ngaihdam tak kha. (Selah)

⁶Chuvang chuan, Pathian ngaihsak mi tinin zawn hmuh awla i awm laiin i hnenah tawngtai theuh rawh se: Tui liante chu a lo liam hun chuan anni chu a chim pha thuai dawn lo nia.

⁷Nang chu ka bihrukna hmun i ni a; nang chuan manganna lakah mi humhim ang a; Chhanhimna hlatein mi hual veltir ang. (Selah)

⁸Fing taka awmtir chein i kalna tur kawng chu ka entir ang chia: Ka mita en reng chung chein rem ka ruatsak zel ang che.

⁹Ngaihtuahna nei hlei lo sakawr emaw, sabengtung emaw angin awm suh u: Chung chuan thununna'n lakam thir barh an ngai a,

¹⁰Chutilochuan i kai thei lo ang. Mi suaksual tan chuan lungngaihna tam tak a awm ang a: LALPA ringtu erah chu ngilneihnain a hual vel zawk ang.Mi felte u, LALPA-ah chuan hlimin lawm u la: Thinlung dik tak pu zawng zawngte u, hlimin au rawh u.

¹¹Mi felte u, LALPA-ah chuan hlimin lawm u la: Thinlung dik tak pu zawng zawngte u, hlimin au rawh u.