Read Baibul, Mizo Sam 33 Bible Online

Sam 33 - Baibul, Mizo bible

Sam 33

¹Aw, mi felte u, LALPA-ah chuan hlimin zai rawh u; Mi dk tan chuan Pathian fak hi a awm reng a ni.

²Tingtangin LALPA hnenah chuan lawm thu sawi u la: Perhkhuang hrui sawm nei mi nen amah fakin zai rawh u.

³Amah chawimawiin hla thar sa u la; Thawm nasa tak nen thiam takin tum rawh u.

⁴LALPA thu chu a dik a; A thiltih zawng zawng chu rinawm taka tih a ni si thin a.

⁵Felna leh rorelna fel hi a ngaina thin a: Leilung hi LALPA ngilneihnai a khat a.

⁶LALPA thuin vante chu siam ani a; Chunga awmho zawng zawngte pawh chu a kaa thaw chuan siam an ni bawk a.

⁷Ani chuan tuifinriat tuite chu englo dahkhawm thur angin a tikhawm a: Tui thuk takte chu dah khawmna inahte a dah tha thin.

⁸Leilung luah zawng zawng chuan LALPA chu tih se la: Khawvela awm zawng zawng chu amah hlauin awm rawh se.

⁹Ani chuan a sawi a, a lo awm ta a; Thu a pe a, a lo awm nghet ta si a.

¹⁰LALPA'n hnam tin remruat chu engmah loah a chantir a: Mi tin, ngaihtuahte chu engmah sawtna nei loin a siam thin.

¹¹LALPA remruat erawh chu kumkhuain a awm nghet ang a. A thinlunga a ngaihtuahte ch chhuan zawng zawng thlengin a awm nghet ang.

¹²LALPA Pathian a nei hnam chu an eng a thawl e; Ama rochana a thlan mite chu.

¹³LALPA chuan van atang khian a thlir a; Mihring fate zawng zawng hi a hmu thin a;

¹⁴Leia awm zawng zawng hi A awmna hmun atang khian a rawn thlir thin;

¹⁵An zaa thinlung siam thina, An thiltih zawng zawng ngaihtuah thintu chuan.

¹⁶Lal reng reng hi sipaiho tam vang ngawta chhandama awm an awm ngai lo: Mi chak hi chak em em vang ngawtin chhanhim an ni ngai lo.

¹⁷Sakawr hi inchhandamna'n engmah ani lo va: A chak em em avang maiin tumah a chhanhim hek lo ang.

¹⁸Ngai teh, LALPA mit chu amah tihtute chungah chuan a fu reng thin a, A ngilneihna beiseitute chungah chuan;

¹⁹An nunna thihna laka chhanhim tur leh Tam tlaka anmahni tungnung turin.

²⁰Ka nunna hian LALPA a nghak reng a: Ani chu mi tanpuitu leh ka phaw a ni.

²¹Amahah chuan kan thinlung hi a hlim dan a ni, A hming thianghlim kan rin avangin.Aw LALPA, i ngilneihna chu kan chungah awm rawh se, Kan beisei ang zel chein.

²²Aw LALPA, i ngilneihna chu kan chungah awm rawh se, Kan beisei ang zel chein.