Read Baibul, Mizo Sam 34 Bible Online

Sam 34 - Baibul, Mizo bible

Sam 34

¹Englai pawhin LALPA chu ka fak ang a: Amah fakna chu ka kaah a chhuak fo ang.

²Ka nunna hian LALPA chu a chhuang ang a: Thuhnuairawlhte chuan chu chu an hria ang a,a n lawm ang.

³Aw, LALPA chu mi fakpui u la, A hming chu i chawimawi tlang ang u.

⁴LALPA chu ka zawng a, tin, ani chuan mi chhang a, Ka hlauhzawng zawng lakah chuan mi chhanhim ta a.

⁵Amah an en a, tin, an lo eng ta a: An hmelte chu engtikah mah a zak lo ang.

⁶He mi srethei hi a au a, tin, LALPA chuan a hria a, A manganna zawng zawngah chuan a chhan chhuak ta a.

⁷Amah tihtute chu, an velah LALPA vantirhkoh chuan a awm chilh a, A chhanhim thin.

⁸Aw, LALPA thatzia chu tem chhin teh reng u: Amaha rina nghat mi chu a eng a thawl e.

⁹Aw, a mi thianghlimte u, LALPA chu tih rawh u: Amah tihtute tan chuan tlakchhamna reng reng a awm si lo.

¹⁰Sakeibaknei vanglaite chu an tlachhamin an ril a tam thin a: LALPA zawngtue erawh chuan thil tha reng reng an tlachham lo ang.

¹¹Hawh u, naupangte u, ka thu ngaithla rawh u: LALPA tih dan ka lo zirtir ang che u.

¹²Thatna a hmuh theihna'na, nunna duh a Damrei ngaina mi chu tu nge ni?

¹³I lei chu sual lakah veng tha la, I hmui chu tihderna thu sawi lo turin veng tha rawh.

¹⁴Sual kalsan la, thil tha ti rawh; Remna zawng la, a umin um rawh.

¹⁵LALPA mit chuan mi felte lam a en thin a, A beng chuan an au hre turin a ngaithla reng thin.

¹⁶LALPA hmel chuan thil tisualtute chu a do thin, Anmahni hriat rengna chu lei ata tiboral turin.

¹⁷Mi felte chu an au a, tin, LALPA chuan a lo hria a, An manganna zawng zawngah chuan a chhan chhuak ta a.

¹⁸LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin.

¹⁹Mi fel hreawmnate chu a tam a, Nimahsela LALPA'n chung zawng zawngah chuan a chhan chhuak thin a.

²⁰A ruh zawng zawng a vawng tha a, Pakhat mah tihtliah a ni lo.

²¹Thil tha loin mi suaksualte chu a tihlum ang a: Mi fel hawtute chuan thiam loh an chang a.LALPA chuan a chhiahhlawhte nunna chu a tlan thin a. Amaha rinna nghatte chu pakhat mah thiam loh chang an awm lo ang.

²²LALPA chuan a chhiahhlawhte nunna chu a tlan thin a. Amaha rinna nghatte chu pakhat mah thiam loh chang an awm lo ang.