Read Baibul, Mizo Sam 37 Bible Online

Sam 37 - Baibul, Mizo bible

Sam 37

¹thil tha lo titute avangin intilungngai duh suh la. Fel lo taka tite chu awt hek suh.

²Hlobet angin ah thlukin an awm thuai ang a, Hnim hring angin an la vuai dawn si a.

³Lalpa chu ring la, thil tha ti rawh; He ramah hian awm la, rinawmna um zel rawh.

⁴LALPA chungah chuan lawm bawk rawh; Tichuan i thinung duhzawngte chu a pe ang che.

⁵I awm dan tur chu LALPA chungah nghat la; Amah chu ring la, aman a ti vek ang.

⁶I felzia chu eng angin a chhuahtir ang a, I thiam chanzia pawh chhun lai ang maiin.

⁷LALPA-ah chuan chawl la, amah chu nghak fan fan rawh; A awm dana vanneihna dawngtu avangin intilungngai duh suh, Ngaihtuahna sualte puitlintu avang chuan.

⁸Thinur hi bansan la, thnrim hi sim rawh. Intilungngai duh suh - thil tihsualah a lo tlak mai thin a ni.

⁹thil tha lo titute chu tihboralin an awm dawn si a: LALPA nghaktute erawh chuan ram hi an luah ang.

¹⁰Rei lote achinah mi suaksual chu a awm tawh dawn si lo: A ni, a awmna hmun chu en en mah la, a awm tawh lo ang.

¹¹Thuhnuairawlhte erawh chuan ram hi an luah ang a: Remna chenin an hmuingil ang.

¹²Mi suaksual chuan mi fel aphiar a, A ha a thial khum thin.

¹³Lalpa chuan ani chu anuihsan ang: A ni alo thleng dawn tih a hriat avangin.

¹⁴Rethei leh pachhiate tithlu tur leh Awm dan dikte tihlum turin. Mi suaksualte chuan khandaih an phawi a, an thal ngul an kuai bawk a.

¹⁵An khandaih chuan anmahni thinlung chu a chhun ang a, An thla ngulte chu tihtliahin a awm bawk ang.

¹⁶Mi fel thil tlemte neih chu Mi suaksual tam tak thil neih rei rui te ai chuan a tha zawk a ni.

¹⁷Mi suaksual bante chu tihtliahin a awm dawn si a: Mi fel erawh chu LALPA'n a chelh reng thin.

¹⁸LALPA chuan mi tha famkim nite chu a hria a: An rochun tur chu kumkhuaa awm reng tur a ni.

¹⁹Hun tha loah an mualpho lo ang a; Tam kumahte pawh an puar ang.

²⁰Mi suaksualte erawh chu an boral ang a, LALPA dotue pawh phul hnim duah ang an ni ang: Tihboralin an awm ang a, meikhuah an zam ral ang.

²¹Mi suaksual chuan a puk a, ape leh thin lo va: Mi fel erawh chuan mi a khawngaih a, a pe zawk thin.

²²A malsawmna dawngtute chuan ram hi an luah dan a, A anchhelawh dawngtue ch utihgboralin an awm dawn a ni.

²³LALPA chuan an kalna turah a hruai thin a, A duhzawng titute ch a veng thin.

²⁴Tlu mah se la, an tlu hlen lo ang: LALPA'n a kutin a chelh reng si a.

²⁵Naupang ka lo ni tawh a, tunah tar ka lo ni ta a, Nimahsela mi fel chu kalsana a awm ka hmu ngai lo a, A thlahte chaw khawn pawh ka hmu ngai hek lo.

²⁶Nilengin mi a khawngaih a, a puktir thin a; A thlahte pawh an eng a thawl thin.

²⁷Sual kalsan la, thil tha ti rawh; Tichuan kumkhuain cheng reng ang che.

²⁸LALPA chuan rorelna fel a ngaina si a, A mi thianghlimte chu a kalsan ngai lo; Kumkhua atan vawn thatin an awm a: Mi suaksual thlahte erawh chu tihboralin an awm ang.

²⁹Mi felte chuan ram hi an luah ang a, A chhungah hian kumkhuain an awm ang.

³⁰Mi fel ka chuan finna thu a sawi thin a, A lei chuan rorel felna thu a sawi bawk thin.

³¹A Pathian dan chu a thinlungah a awm a; A pensan ngai lo.

³²Mi suaksual chuan mi fel chu a en thla a, Tihhlum a tum thin.

³³LALPA'n ani chua kutah a kalsan lo ang a, A ro an rel hunah chuan thiam loh chantir a phal hek lo ang.

³⁴LALPA chu nghak la, a kawng chu zawh rawh. Tichuan ram hi luah turin a chawimawi ang che:

³⁵Mi suaksualte tihborala an awm lai chu i la hmu ang. Mi suaksual chu nasa taka thu neia, A tona hmuna thing chawr duah hluah anga a tawi bum lai ka hmu a.

³⁶Nimahsela kawngah mi ava kal a, tin, ngai teh, ani chu a lo awm ta lo mai a: A ni, ka zawng a, nimahsela hmuh theih ani lo.

³⁷Mi sawiselbo chhinchhiah la, mi dik tak chu en rawh, Chutiang mi tawpna tur chu thlamuanna a ni dawn si a.

³⁸Bawhchhetute erawh chu a ruala tihchhiatin an awm hlawm ang a, Mi suaksualte tawpna chu boralna a ni ang.

³⁹Amaherawhchu mi felte chhandamna chu LALPA lak ata a ni a: Ani chu mangan laia an kulhbing a nithin a.LALPA'n anni chu a tnapuiin a chhanhim thin a, Amahah chuan an tlukluh avangin Mi suaksualte lakah chuan a chhanhimin a chhandam thin.

⁴⁰LALPA'n anni chu a tnapuiin a chhanhim thin a, Amahah chuan an tlukluh avangin Mi suaksualte lakah chuan a chhanhimin a chhandam thin.