Read Baibul, Mizo Sam 40 Bible Online

Sam 40 - Baibul, Mizo bible

Sam 40

¹LALPA chu ka nghak fan fan a; Tichuan annin mi rawn thek a, ka au chu a ngaithla ta.

²Boralna khuarkhurum ata, chirhdup ban tak ata chu mi khai chhuak ta abawk a; Tin, ka ke chu lungpui chungah a nghat a, ka ke pente chu a tinghet a.

³Hla thar ka kaah a dah ta bawk a, kan Pathian fakna chu: Mi tam takin chung chu an hmu ang a, an hlau ang a, LALPA chu an ring tawh ang.

⁴LALPA chu a rinchhana nei a, Chapote leh dawt lama penge ngaihsak lo mi chu, a eng a thawl e.

⁵Aw LALPA ka Pathian, nangin thilmak i tihte leh, Keimahni lam i ngaihtuahnate hi a tam em em mai a, Chung chu i hmaa tihlan sen rual a ni lo a; Hriattirin hri dawn i la, Chhiar sen rual a ni lo ang.

⁶Inthawina leh thilhlan chungah hain lawmna reng i nei lo a; Ka bengte hi mi tihawngsak ta a: halral thilhlan leh sual tana thilhlan chu i phut lo.

⁷Chu veleh chuan, keiin, 'Ngai teh, ka lo kal e; Lehkhabu zialah chuan ka thu ziak a ni a:

⁸Aw ka Pathian, i duhzawng tih hi ka lawmzawng tak a ni; A ni, i dan thu chu ka thinlungah a awm reng e," ka ti a.

⁹Inkhawmna ropui takah chuan felna chanchin tha ka tlangaupui a; Aw LALPA, ngai teh, Ka ka hi ka ui lo ang tih i hria e.

¹⁰I felna chu ka thinlung chhungah ka zep lo a; I rinawmna leh i chhandamna thu chu ka tlangaupui zawk a: I ngilenihna leh i takina chu inkhawmna ropui taka mite lakah chuan ka thup lo e.

¹¹Aw LALPA, i lainatnate chu ka lakah ui suh la: I ngilneihna leh i takina chuan mi humhim fo rawh se.

¹²Thil tha lo chhiar sen loh chuan mi hual vel si a, Ka khawlohnate chuan mi umphak a, chutichuan ka dak thei ta lo a; Chung chu ka samzaite ai hian a tam zawk a, ka thinlung hi a chau ta.

¹³Aw LALPA, khawngaih takin mi chhanhim la: Aw LALPA, mi tanpui turin hmanhmawh ang che.

¹⁴Ka nunna tihbo tuma zawngtute chu Mualpho tak leh zak takin awm hlawm se la; Ka chhiatna chunga lawmte chu Hawi kirtirin tihzahin awm rawh se.

¹⁵Chei! Chei!" mi tutute chu An mualpho avangin mangang takin awm rawh se.

¹⁶A zawngtu che zawng zawng chu nangmahah chuan hlim tak leh lawm takin awm se la: I chhandamna ngainatute chuan, "LALPA chu chawimawiin awm rawh se," ti fo rawh se.Kei zawng rethei leh pachhe tak ka ni a, Nimahsela LALPA'n mi ngaihtuah thin a: Nang chu mi tanpuitu leh mi chhanhimtu i ni a; Aw ka Pathian, rei rial lul suh ang che,

¹⁷Kei zawng rethei leh pachhe tak ka ni a, Nimahsela LALPA'n mi ngaihtuah thin a: Nang chu mi tanpuitu leh mi chhanhimtu i ni a; Aw ka Pathian, rei rial lul suh ang che,