Read Baibul, Mizo Sam 41 Bible Online

Sam 41 - Baibul, Mizo bible

Sam 41

¹Retheite ngaihtuah mi chu a eng a thawl e, Mangan ni chuan LALPA'n a ni chu a chhanhim ang.

²LALPA'n ani chu humhimin a tinung ang a, leiah hian malsawmin a awm ang: Amah dotue duh duha tihah pe suh ang che.

³LALPA'n a chauhna mut hmunah chuan a tichak ang a: Nangin a dam loh laiin a mutna i siamsak vek thin.

⁴Keiin, "Aw LALPA, mi khawngaih la, Ka nunna hi tidam ang che, i chungah thil ka tisual si a, ka ti a.

⁵Mi dotute chuan, "engtikah nge a thih ang a, a hming a bo ang?" tiin, Mi sawichhe thin a.

⁶Tin, an zinga tuin emaw mi rawn kan lahin, thu engmah lo mai mai a sawi thin a; A thinlung chuan sualna a la khawm thin a: A kal chhuah veleh mi a hrilh thin.

⁷Mi hawtute zawng zawng chuan mi hekna thu sesein an la a: Mi tihchhiatna tur an suangtuah thin.

⁸Natna tha lo takin a tlakbuak ta a: Tuna a mu hi a tho leh tawh lo ang," an ti a.

⁹A ni, ka thian kawmngeih, ka rin tak, ka chhang eipui ngei chuan A ke artui ka chungah a lek ta.

¹⁰Nimahsela, aw LALPA, nangin mi khawngaih la, Anmahni ka thungrulh t heihna turin mi kaitho leh ang che.

¹¹He mi-ah hian ka chungah i lawm tih ka hria, Mi dotu chuan mi ngam thin loh avang hian.

¹²Kei zawng rilru tha tak ka putnaah hian nangin mi chelh reng a, A hmaah chuan kumkhua atan mi dah a.LALPA, Israela Pathian chu, Chatuan ata chatuan thlengin fakin awm rawh se.

¹³LALPA, Israela Pathian chu, Chatuan ata chatuan thlengin fakin awm rawh se.