Read Baibul, Mizo Sam 45 Bible Online

Sam 45 - Baibul, Mizo bible

Sam 45

¹Ka thinlung hi thil thain a liam zawih zawih a; Lalber chungchang thu a ka thil phuah chu ka sawi dawn e: Ka lei hi lehkha ziak thiam tak kawlawm a ni.

²Mihring fate ai hian i hmel a tha zawk a; Khawngaihna hi i hmuiah leih a ni: Chuvangin Pathianin kumkhua atan mal a sawm che a ni.

³Aw, mi chak, i khandaih i kawngah vawng rawh, I ropuina leh i mawina nen.

⁴Thutak leh thuhnuairawlhna leh felna avangin I mawina inbelin hmuingil takin skawr chunga chuangin kal zel ang che. Tichuan i kut ding lamin thil rapthlak takte a zirtir dawn che nia.

⁵I thal chu a zum a: Lalber dotute thinlungah chuan a bur reng a: Mi tin, chu i hnuaiah an tlu thin a.

⁶Aw Pathian, i lalthuphah chu chatuanin a awm tur a ni: Thlei bik neih lohna laltiang chu i ram laltiang chu a ni.

⁷Felna chu i ngaina a, suahsualna chu i huat kha; Chuvangin, Pathian, i Pathian chuan, i thiante aia nasain Hlimna hriak a thih tak che hi.

⁸I silhfen zawng zawng chu murra rim te, aloe rim e, thakthing rimte a nam rum rum a; Sainghova siam lal intea tingtang chi hrang hrang ir lo chhuakte chuan a tihlim che anih hi.

⁹I hmeichhe thate zingah chuan lalho fanute an tel ve a; I ding lamah chuan Ophir rangkachaka incheiin lalnu chu a ding a.

¹⁰Aw, ka fanu, ngaithla la, ngaithuah la, beng chhi rawh; I mite leh i pa ina mite chu theihnghilh rawh;

¹¹Chutichuan lalberin i hmel tha tak hi a duh dawn nia: Ani chu i Lalpa a ni si a; tichuan amah chu chibai buk thin ang che.

¹²Tura fanu chu thilpek kengin chutah chuan a awm ang a; Mi zinga hausate ngei chuan i khawngaihna an ngen ang.

¹³Lal in chhunga lal fanu chu a ropui vel vek a: A silhfen chu rangkachaka zeh mawi a ni.

¹⁴Puan thui mawi sinin lalber hnenah an hruai ang a: Amah zuitu, a thian nulahote chu, I hnenah an hruai ang.

¹⁵Lawm tak leh hlim takin an hruai ang a: Lalber inah chuan an lut ang.

¹⁶I pate aiah i fate an awm ang a, Anni chu lei chung zawng zawngah hian mi lianah i siam ang.I hming hi chhuan zawng anwgah hian hriat reng turin ka siam ang: Chuvangin mi tinin kumkhaw tlaitluanin lawm thu an hrilh ang che.

¹⁷I hming hi chhuan zawng anwgah hian hriat reng turin ka siam ang: Chuvangin mi tinin kumkhaw tlaitluanin lawm thu an hrilh ang che.