Read Baibul, Mizo Sam 46 Bible Online

Sam 46 - Baibul, Mizo bible

Sam 46

¹Pathian chu kan inhumhimhna leh kan chakna, Mangan laia tanpui vartu hnai reng a ni.

²Chuvangin leilung hi lo danglamin, Tlangte hi tuifinriat chhung daihah insamw mah se la kan hlau lo ang;

³A tuite chu ri hum humin phul bulh bulh mah se la, A fawn nasat avangin tlangte hi nghing dur dur mah se la, kan hlau chuang hek lo ang. (Selah)

⁴Lui pakhat a awm a, chu mi pengte chuan Pathian khawpui chu a tilawm thin. Chungnungbera awmna hmun thianghlim chu.

⁵Pathian chu a lai takah a awm a; a nghing lo ang a: Pathianin khawfing chah hunah chuan a tanpui ang.

⁶Hnam tin an ri hum hum a, ramte chu a nghing a: A ni chuan a aw a chhuah a, leilung hi a lo tui zo ta a,

⁷Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah)

⁸Hawh u, LALPA thiltihte hi en rawh u, Leilunga thil a tihchhiatziate hi.

⁹Ani chuan indonate chu kawlkil thlengin a tireh thin a; Thal ngul chu a titliak a, fei chu a sat bung thin a; Tawlailirte chu meiah a rawh ral thin.

¹⁰Ngawi u la, Pathian ka ni tih hi hre rawh u: hnam tin zingah chawimawiin ka awm ang a, leiah hian chawimawiin ka awm ang.Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah)

¹¹Sipaihote LALPA chu kan hnenah a awm a; Jakoba Pathian chu kan kulhbingsang a ni. (Selah)